Monday, 25 May 2015

Kabhi aakar dekh jao gaon ko...

Kabhi aakar dekh jao gaon ko...
Peepal ka chabutara... thandi chao ko...

Jis gali mein tumne khele the khel bahut...
Un bhuli-bisari pukarati hui raahon ko...
kabhi aakar dekh jao gaon ko...

Woh ghar aaj bhi teri raah takata hai...
Aaj bhi chappar se pani tapakta hai...
Aaj bhi aangan mein chidiyaan chi-chihati hai...
Aaj bhi suraj ki kirane... sabse pehle tere ghar aati hai...
Aaj bhi chhat ke upper Chand-Sitaron ki doli timtimati hai...
Kabhi aakar dekh jao bakse mein sambhal kar rakhe bachpan ke mitti ke khilauno ko...
Kabhi aakar dekh jao gaon ko...

Romil

No comments:

Post a Comment