Friday, 11 September 2015

Haar...

Ghar ka darwaza khulte hi... Main bas chaukhat pe khada use dekhata hi raha... aur dino ki apeksha woh aaj jyada hi haseen lag rahi thi... Safed rang ki sitaron wali saree mein lipati hui, ghesu uske khule hue... Usne chaukhat pe hi mujhse mera bag le liya aur mere din bhar ka haal pucha... Woh kuch jyada hi meetha bol rahi thi... usne madhur romantic song laga diya... aaj usne mera pasandida khana, palak-paneer ki sabji, parathe aur kheer banai thi... Dinning table ko bhi bahut khoobsurti se saja rakha tha... usne romantic wife banne ka poora prayas kiya, main bhagyashali tha... 

Dinner ki samapti pe woh meri taraf badi... mujhe laga woh mere honthon pe kiss karne aa rahi hai... par woh mere kaano ke pass aakar boli... "maine activa... road pe side mein khadi car ke saath bhida di hai, galti meri thi"... Main bas kheer khate hue uski sunti raha, use kuch na keh saka...

Jab aap kisi ki galti pe bhi use kuch nahi bol pate hai to iska artha hai aap usse haar gaye ho... aisa hona nahi chahiye... galati pe bolna aavashak hai... 

Bete ko apni virasat jarur de... magar jab woh koi galti kare... usko bole jarur... chahe Board of Director ki meeting ho ya fir Business Meet ya fir koi bhi Investor Meet... Aapke diye sabak usko galti dohrane se rokenge...

No comments:

Post a Comment