Thursday, 24 September 2015

Timepass : Peon job

23 lacs applications for 368 peon jobs in Uttar Pradesh.... 255 doctorates... aur engineer, post graduate, graduate ne bhi peon post ke liye apply kiya hai...

Isi news se mujhe yaad aaya ek baar maine bhi peon ki post ke liye apply kiya tha... government job hai yaar... Sarkari Naukari... SHEE us samay mujhe bahut samjha rahi thi ki tum MBA hokar Peon banaoge? Mat jana interview daine.... Waise meri pehle government job thi, jise maine apply kiya tha.... first government interview tha... Isse pehle maine kabhi government job ke liye apply nahi kiya tha... Maine socha interview dunga jarur.... Kisi tarah interview wale din interview dene pahucha.... Panel mein se ek ne mujhse pucha education kya hai tumhari? Galti se bol diya MBA... par maine application form par 10th baari thi... Usne kahan tum 10th nahi MBA ho? main tumko apne office mein clerk (ya assistant kahan tha) rakh lunga agar tum mere sawal ka sahi jawab do? 

NSE aur BSE main kya difference hai? 

Maine kahan mujhe nahi pata Sir... Usne kahan lagta hai theek se padai nahi ki... Maine kahan... Ji Sir, Shayad... aur main room se bahaar aa gaya...

Sach mein answer mujhe nahi pata tha... par shayad main isliye uske sawal ke jawab mein kuch na bol saka, kyunki mujhe sharmindagi ho rahi thi ki maine application form par jhoot likha ki main 10th pass hun, MBA nahi...

Iske baad maine kabhi government job ke liye apply nahi kiya...

No comments:

Post a Comment