Sunday, 29 November 2015

Abba

Main yeh socha karti thi...
Aakhir Abba mere kya kaam hai karte?
Na to tiffin ka dabba lekar office jaate hai...
Na koi dukaan chalate hai...

Dair se sokar bistar se uthate...
Raat-Raat bhar jaagkar bijli ka bulb jalate...
Kurta-Pajama pehne mann-hi-mann kuch bad-badate rehte... Kaagaz par kalam chalate rehte...
Kaagaz par kalam chalate rehte...
Aakhir Abba mere kya kaam hai karte?

Ek din dekhi akhbaar mein Abba ki photo
saath-saath likhi hui ek kavita "Nanhi Rajkumari - Naazoo"
Tab main yeh samajh pai...
Abba mere apni betiyaan se hai kitna pyar karte...
Bas yahi kaam karte...
Kaagaz par kalam chalate rehte...
Abba mere apni betiyaan se hai bahut pyar hai karte...

- Sun 

3B

Better Quality, Better Packaging, Better Pricing...

Business...

Go, start a business.

Saturday, 28 November 2015

Agar Tum Saath Ho with Lyrics - Tamasha (2015) Ranbir n Deepika


aey suno...

aey romil suno
chalo kuch baat kare
kuch tum apna sunao
kuch main apna batao
aey romil suno na...

yeh aankhen naram na karo
baarish ki kuch baatein karo
aey romil suno
chalo kuch baat kare

badal par dekho itna sundar chand nikala hai
zameen par dekho kaise shafed burf padi hui hai
haawain dekho kaisi zulfein uda rahi hai
aey romil suno na...
chalo kuch baat kare...

udasi chodo
muskaan sajao
kuch tanha raaton ke khawab batao
aey romil suno
chalo kuch baat kare
kuch tum apna sunao
kuch main apna batao
aey romil suno na...

- Sun

Friday, 27 November 2015

Heer Toh Badi Sad Hai - Full Video with Lyrics - Tamasha


Kaun Kare... Kaun Kare... Ab Tamasha, Kaun Kare...

is duniya mein itna gum mila
us duniya se umeed kya kare
aakhir allah to wahi hai
ab khawaish, kaun kare...
~*~
aapno ne jab dhoka diya
gairon se tammana kya kare
aakhir insaan to wahi hai
ab wafaa, kaun kare...
~*~
dubi hain kasti apni sahil par
saagar se shikayat kya kare
aakhir sahara kisi ka na mila
ab tamasha, kaun kare...

- Sun

Thursday, 26 November 2015

Main Rahoon Ya Na Rahoon Tum Mujhmein Kahi Baki Rehna - Emraan Hashmi and Esha Gupta - Soulful Lyrics



Sumiran karle Hari naam, tere din beete jaate hai...

Kaun tumhara kutumb parivara, kiske ho tum kaun tumhara...
Kiske bal Hari naam bisara, sab jeete jee ke naate hai...
Sumiran karle Hari naam, tere din beete jaate hai...

Action/ 2015





raat aaye to aankhon mein tere khawab chale aaye

raat aaye to aankhon mein tere khawab chale aaye
hum khawabon mein tere kareeb hokar chale aaye.
raat aaye to aankhon mein tere khawab chale aaye...
~*~
chod aaye apna dil tere pehlu mein
teri mehak apne saath le aaye.
raat aaye to aankhon mein tere khawab chale aaye...
~*~
yunh to tha mein ek pathar ki bani hue murat
tumne chua to mom ho aaye.
raat aaye to aankhon mein tere khawab chale aaye...
~*~
humne har baar khuda se yahi manga tha
jab bhi unke kareeb hum jaye
tab barsaat aaye.
raat aaye to aankhon mein tere khawab chale aaye...
~*~
mujhse puche mera zameer
jab nahi tha woh tera, fhir kyon uske kareeb ho aaye.
raat aaye to aankhon main tere khawab chale aaye
hum khawabon mein tere kareeb hokar chale aaye...

- Sun

Wednesday, 25 November 2015

Naam Simran...

Naam keval ratna matra nahi hai... Naam ismaran hai, naam jeevan hai, naam anukampa hai, naam ishwar tatha aatma ka sanyog hai... naam hai naami ki aur lagna aur uski our se utar rahe ullas aur antas ki shujh tak ka gyan naam hai.... Dhyan ko drishti maan jagat se uthane ke pratham prayatna se naami ki prapti tak ke sabhi rangon ko naam kehte hai so naam japne ka vastavik artha to yeh hai ki 'Ishwar ka Naam' kaho par mann mein bhawana dharan karke...

Tuesday, 24 November 2015

Bade Bhagya Manav Tann Paya...

Lakh Chaurasi bhog kar aaya,
Bade Bhagya manav tann paya...
Us par bhi nahi kari Kamai,
Ant Samay pachtaya... Pachtaya, Pachtaya fir gaya samay nahi aaya...

Na Jaane Kahan Hai Mera Aashiyana, Meri Duniya, Mera Thikana!

Na Jaane Kahan Hai Mera Aashiyana,
Meri Duniya,
Mera Thikana!
*
Na Koi Manzil, Na Koi Rasta Hai Pata,
Jaana Mujhe Kahan Na Iska Pata,
Koi Apna Na Koi Paraya,
Bas Peeche Chodate Jaana Mujhe Kadmo ke Nishaan!
*
Na Jaane Kahan Hai Mera Aashiyana,
Meri Duniya,
Mera Thikana!
~
Koi Na Pukare Mujhe,
Na Koi Roke Mujhe,
Dheeme-Dheeme, Halke Halke,
Chalte Jaana Hai Mujhe Wahan,
Jahan Mera Aashiyana,
Meri Duniya,
Mera Thikhana!
Hooo...
Hooo...
Ab Mujhe Fursat Kahan,
Ab Mujhe Chain Kahan,
Na Koi Dost, 
Na Koi Humdum,
Bas
Chalte Jaana Hai Mujhe Wahan,
Jahan Mera Aashiyana,
Meri Duniya,
Mera Thikhana!
Hooo...
Hooo...

- Sun

Monday, 23 November 2015

Nanak Di Soch - Harshdeep Kaur (2015) Truely Meaningful Lyrics n Beautiful


Shiva Parivar...

Shiva Parivar... Jahan Pati Shiva bhi pujniye... Jahan Patni Parvati bhi pujniye... saath-saath Dono Putra Kartikeya aur Ganesha bhi pujniye... 

Aisa alokik, divya, adbhut, sanskari, sundar parivar hai, Shiva Parivar... parivar mein rehne wale anya sadasya - Nandi, Naag Devta, Gaaye Mata, Sher, Mor, Musak... Sab pujniye...

Sab karmo ki punji hai... Tabhi to sabhi Devi-Devta mein ek hi parivar hai, jo yugon-yugon se pujniye hai... Jo bhi is parivar ka hissa banta - Riddhi, Siddhi, Subh-Labh... Devasena... sab pujniye ho jaate...

rote gaye, muskurate gaye, yuhi safar-e-zindagi betate gaye...

rote gaye, muskurate gaye
yuhi safar-e-zindagi betate gaye...
~**~
kisi musafir ne pucha tumhare shayari mein itna dard kyon hai
hum apni khata batate gaye tumhari bewafai chupate gaye...
rote gaye, muskurate gaye
yuhi safar-e-zindagi betate gaye...
~**~
kisi musafir ne pucha tumko mohabbat par aitbaar kyon nahi
hum apni wasiyat batate gaye, apna intezaar chupate gaye...
rote gaye, muskurate gaye
yuhi safar-e-zindagi betate gaye...
~**~
kisi musafir ne pucha tumko tanhaiyaa kyon pasand hai
hum apna akelapan batate gaye, tumhari mehfile chupate gaye
rote gaye, muskurate gaye
yuhi safar-e-zindagi betate gaye...
~**~
- Sun

Sunday, 22 November 2015

Ram Naam...

Jinke ghar mein Maa nahi hai, Baba kare na pyar...
Aise deen anatho ka hai, Ram naam aadhar...

Mukh bol Ram ki bani, Manwa bol Ram ki bani...

Saturday, 21 November 2015

Gallan Mithiyan - Mankirt Aulakh (2015) Beautiful Video


Re mann yeh do din ka mela rahega

Re mann yeh do din ka mela rahega
Qayam yeh jag ka jhamela rahega...

Kehta hai ki... Daulat kabhi aayegi mere kaam
Par yeh to bata... Dhan hua kiska kabhi gulaam
Samjha gaye updesh Harishchand, Krishna, Rama
Daulat nahi rehti hai... Par rehta hai sirf Naam...
Rahegi re Daulat yahi ki yahi pe... Sang tere bhaiya kuch na jayega...

Re mann yeh do din ka mela rahega
Qayam yeh jag ka jhamela rahega...

pal-pal, har pal yeh mohabbat badati jaati hai...

har ek saans ke saath tujhse milne ki umeed badati jaati hai
pal-pal, har pal yeh mohabbat badati jaati hai...
~*~
chand ko dekhata hu to tera chehara yaad aane lagata hai
pal-pal, har pal tujhe dekhane ki umeed badati jaati hai...
~*~
barsat ka pani jab mere badan par padata hai tujhse lipatane ki chah badati jaati hai
pal-pal, har pal yeh beqarari badati jaati hai...
~*~
ban jayun musafir teri manzil paane ke liye
pal-pal, har pal yeh aarzoo badati jaati hai...

- Sun

Thursday, 19 November 2015

Honsla - Jassi Sohal - Video Song 2015


Reel to Chip - Punjabi Video Song 2015 - Jaismeen n Deep



Tum Jeevit Prabhu Ka Mandir Ho...

Tum jeevit Prabhu ka mandir ho... Tumhare andar crore khand-brahmand hai... crore khushiyan hai... sukh aur shanti hai... khud, Khuda Akalpurush tumhare andar hai, manush-chole ka makshad us tak pahuchana hai... humein chahiye ki jo kuch ban sake, isi janam mein kar le...

Suna Hai...

SUNA HAI aaj kal tumko karwate aati rehti hain raat bhar
tere ghar ke bagal mein koi gulbadan rehne aaya hai...
~*~
SUNA HAI aaj kal tum gumsum rehte ho
har baat nazaron se kehte ho
tere ghar ke bagal mein koi gulbadan rehne aaya hai...
~*~
SUNA HAI aaj kal tumko bhook bhi nahi lagti hai
yaadon mein hi khoye rehte ho
tere ghar ke bagal mein koi gulbadan rehne aaya hai...
~*~
SUNA HAI aaj kal khawab fhir tum sajane lage
fhir dua khuda se mangane lage
tere ghar ke bagal mein koi gulbadan rehne aaya hain...

- Sun

Wednesday, 18 November 2015

Kacchare Ka Dabba..

Apne Mann ko Kacchare Ka Dabba mat banne do... Inko hamesha buri-kharab-gandi baaton se door rakho...

Vyakti ko Dalmoth kya hoti hai??? Namkeen Dalmoth kya hoti hai??? uska matlab nahi pata hota... Parantu usko Chikni, Maal, Item, Tota, Kancha, Tincha Maal... In sab ka artha gyat hota hai... Isse pata chalta hai ki aapka Mann kitni buri tarah Buri/ Kharab/ Gandi Baaton se Sankramit hai... Kitni Gandi Baaton se lipta hua hai...

Apne Mann ko paavan kare... Kyonki bina mann pavitra kiye hue Ishwar ki... Rab ki.. Sadguru ki... prapti asambhav hai... 

rone do naaaaaaaaaa... nainoon ko aaj suza laine do naaaaaaa

rone do rone do
rone do naaaaaaaaaa
rone do rone do
rone do naaaaaaaaaa
nainoon ko aaj suza laine do naaaaaaa
rone do rone do
rone do naaaaaaaaaa
~*~
kitne khawab the
sab bikhar chuke hai
raat thi jo mohabbat ki
woh guzar chuki hai
aaj jee bhar kar rone do
rone do rone do
rone do naaaaaaaaaa
nainoon ko aaj suza laine do naaaaaaa
rone do rone do
rone do naaaaaaaaaa
~*~
tap-tap kar gire aansoo
koi chehara nainon mein basta gaya
udasi basti gai lamhon mein
sannata basta gaya
fhir naya gum paalne do naaaaaaaaa
rone do rone do
rone do naaaaaaaaaa
nainoon ko aaj suza laine do naaaaaaa
rone do rone do
rone do naaaaaaaaaa
~*~
saanson ka lipata hua libaas hu
na ab koi sunta hain
na ab koi sunata hain
tere khat aate the
do pal baatein ho jaati thi
aaj un beetein khaton ko jala laine do
rone do rone do
rone do naaaaaaaaaa
nainoon ko aaj suza laine do naaaaaaa
rone do rone do
rone do naaaaaaaaaa
- Sun

Tuesday, 17 November 2015

Brahm Gyan...

Brahm Gyan kitabon se nahi prapat hota... 

Kitabon se kyon mattha-pacchi karte ho? Yeh sab bekaar hai... 

Rab sabke andar hai, woh tere andar bhi hai, woh hi teri sambhaal bhi karega...

jab bhi baithata hu main tanha khud se rubaru hota hu...

jab bhi baithata hu main tanha
khud se rubaru hota hu
bas yahi baat sochata hu
tum hoti to kaisa hota
tum hoti to waisa hota...
~*~
meri goad mein tum soya karti
baithe rehti aur baatein karti rehti...
tum is baat par khush hoti
tum us baat par ruth jaya karti...
tum hoti to kaisa hota
tum hoti to waisa hota...
jab bhi baithata hu main tanha
khud se rubaru hota hu
bas yahi baat sochata hu
tum hoti to kaisa hota
tum hoti to waisa hota...
~*~
raaton mein khawab sajate
teri zulfoon ke saaye mein so jaate
deeware jo apne beech thi sab gira dete
aaye haseen tere sulagate jism ki mehak mein kho jate...
ab yeh haalat kisse kahe hum
kab tak khamosh rahe aur jalate rahe hum
kyon na yeh duriya hum mita de
aa saare zamane ko hum bata de
nahi jee sakte ek-dusare ke bina
nahi jee sakte ek-dusare ke bina...
jab bhi baithata hu main tanha
khud se rubaru hota hu
bas yahi baat sochata hu
tum hoti to kaisa hota
tum hoti to waisa hota...
~*~
khidki mein baithe sar jhuka kar tum mera intezaar karti
chup-chap dhalate hue chand ko dekhate
meri aahat paate hi bhaghi hue darwaze par aati
meri nazaron mein khud ka chehara paati
tum hoti to kaisa hota
tum hoti to waisa hota
jab bhi baithata hu main tanha
khud se rubaru hota hu
bas yahi baat sochata hu
tum hoti to kaisa hota
tum hoti to waisa hota...
~*~
haawaon ka jhoka tumhara ehsaas de jata hai
chand aankhon hi aankhon main tumhare labz bayaan kar jata hain
yeh pani ki boondon, jaise tumne mere badan ko chuha ho
main janta hu tum kahin nahi ho
magar yeh dil keh raha hain tum yahi kahin ho
jab bhi baithata hu main tanha
khud se rubaru hota hu
bas yahi baat sochata hu
tum hoti to kaisa hota
tum hoti to waisa hota...
- Sun - Inspired...

Monday, 16 November 2015

Ve Main Sacchi-Mucchi PARI Lagdi - Shipra Goyal n Ravinder Grewal - Judge Singh LLB (2015) - Video Song


Sanskaar...Shistachar...Sacchai...

Sanskaar... Shistachar... Sachchai...
Miya... Aaj jo hum in Kuwoan ka pani pee rahe hai, yeh hamare purkhon ne khodein hai...

- Sun

Chalta jaye samay ka ghoda...

Satsang mein gota laga le
Jeevan ko safal bana le
Samay nikal thoda-thoda
Chalta jaye samay ka ghoda...
Chalta jaye samay ka ghoda...

Is jeevan se padega bhaiya sabko ek-din jaana
Kaudi-Kaudi jamaa kiya sab chhodkar maal khazana
Yahan koi na rahega Mata-Pita se rishta jodhke
Yahan koi na rahega Dunia-daari se rishta jodhke...
Samay nikal thoda-thoda
Chalta jaye samay ka ghoda...
Chalta jaye samay ka ghoda...

Chhod Lobh-Jhoot-Kapat, Chugali-Krodh-Ahankaar
Sabko ek-samaan samajh, Kar sewa ka karya...
Yahan koi na rahega Kothi-Mehalo se naata jodhke
Yahan koi na rahega Jaat-Biradari se naata jodhke
Samay nikal thoda-thoda
Chalta jaye samay ka ghoda...
Chalta jaye samay ka ghoda...

- Sunny

Jo Mere Bhagya Mein Nahi Hai, Woh Duniya Ki Koi Bhi Shakti Mujhe Nahi De Sakti Aur Jo Mere Bhagya Mein Hai Use Duniya Ki Koi Bhi Shakti Cheen Nahi Sakti. Ishwariye Shakti Asambhav Ko Sambhav Bana Sakti Hai. Aata Karma Hi "Kamdhenu" evam Prathana hi "Parasmani" hai...


एहसास

यह अलग बात है इसका एहसास उसके जैसा है
मगर हू-बा-हू यह कहाँ मेरे महबूब जैसा है...

- सन

Mistakes...

Happy Birthday Mehar...










Happy Diwali...












Mera Mehboob sirf mujhsa ho...

Na Pari... Na Hur ho... 
Mera Mehboob sirf mujhsa ho...

Shabdon mein Guru Di Bani... 
Chehare pe fakiron sa noor ho... 
Mera Mehboob sirf mujhsa ho...

Muskaan bikhere jo... 
Kitabon ka saccha dost ho... 
Mera Mehboob jo mujhsa ho...

- Sun

Sunday, 15 November 2015

Naam ki daulat...

Duniya ko chhodkar naam ki oar lagana bada kathin hai. Bina bhagya ke yeh daulat nahi milti. Log vishay-vikaron ki oar se mooh modane ko taiyar nahi hai... Inka bhagya inko saccha ànand nahi lene deta...

Saturday, 14 November 2015

Nimantaran-Patra

Manush apni vipattiyon ko nimantaran deta hai aur fir in dukhdai aatîthiyon ke prati virod prakat karta hai, kyunki woh bhool jata hai ki usne kaise, kab aur kahan unhein nimantaran-patra likhe aur bheje the... Parantu samay nahi bhoolta, samay uchit avsar par har nimantaran-patra theek pate par de deta hai, aur samay hi har atithi ko mejbaan ke ghar pahuchata hai...

- Meerdaad...

ishq mein haasil aur kya hoga

ishq mein haasil aur kya hoga
bas aansoo main dubaa hua ek samundar hoga...
***
subah jo jal uthati hai uski yaadon mein
shaam ko bhi yahi manzar hoga...
***
saari dunia ke samne jo sher bane fhirte ho
usse pyar ka izhaar karna muskil hoga...
***
jo lagate hai sabse apne karib
unhi apno ke saath fhasala hoga...

- Sun

Friday, 13 November 2015

Mann ka simit hona...

Garib ki jhopadi mein haathi nahi samata... 

Mann-Mandir ko bada karo... 

Mann se Maalik ka naam japo...

Nàam Ka Sumiran...

Mann Khudayam, Mann Khudayam, Mann Khuda...
Ki Main Khuda hun, Main Khuda hun, Main Khuda hun...

Maalik ke naam ka sumiran karoge to Maalik mein samaa jaoge, Maalik ka roop ho jaoge...

Thursday, 12 November 2015

Sahib Ka Darbaar...

Sahib ke darbaar mein keval bhakti piyaar...
Keval bhakti piyaar Sahib bhakti mein raaji...

- Paltu Sahib...

Haq-Halal ki Kamai...

Haq-Halal ki kamai mein barkat hoti hai.

Wednesday, 11 November 2015

Sahib Da Pyar...

Chahe lok ho ya parlok, hey mere pritam! Mujhe keval tera pyar chahiye... 
Pariyon ki jhooti dastano se mujhe kya lena... 
Tera pyar saath hai to mere liye jannat aur dohzak dono samaan hai...


Khawaja Haafiz...

Rab Ki Razaa...

Na kachu kiya na kari sakaa, na karne jog sharir,
Jo kuchu kiya Sahib kiya, ta tein bhaya Kabir...

Tuesday, 10 November 2015

Kitna waqt badal gaya hai....

Jab Maa kehti thi...
Aaj Diwali hai Bhalu...
Ja Gali ke nukkad wale mandir par ek diya jala aa...

Sunate hi Maa ki baat...
Pairon ko maano pankh lag jaate the,
Hum haath mein mitti ka diya, bati, tel, matches pakade bas bhaage chale jaate the...
Andheron ko cherate hue, Andhera door karne.... Bas bhage chale jaate the...
Chehare par ek jeet ki muskaan hoti thi...
Bhagwan ke ghar ko jo hum prakash se sajate the...
Par aaj kal hum khud andheron mein ghire rehte hai...
Prakash ki aarzoo hi nahi hai...
Kitna waqt badal gaya hai....
- Sunny

Yeh soch kar dil ko behla laite hai hum

Yeh soch kar dil ko behla laite hai hum
Woh toh ajnabi tha raah mein kahin bichad gaya hoga...
***
Yeh soch kar dil ko behla laite hai hum
Raah mein jo bichada tha
Us anjabi ka haath kisi ne thaam liya hoga...
***
Yeh soch kar dil ko behla laite hai hum
Jab uska dil koi toodata hoga
Tab usko mere toote dil ka khayal aata hoga...
***
Yeh soch kar dil ko behla laite hai hum
Jab usko yaadon ke badal ne ghera hoga
Tab woh meri yaadon mein bhi bheeg gaya hoga...
***
Yeh soch kar dil ko behla laite hai hum 
Jiski raatein roshan thi humse
Uski raatein koiye aur roshan kar raha hoga...

- Sun

Monday, 9 November 2015

Kamal par viraajmaan

Kamal par viraajmaan
Woh Laxmi Maa bahut sundar hai
Main us Saraswati rupe Laxmi Maa ko baar-baar naman karunga....
***
Main us Laxmi ko paane ke liye keechad mein nahi jayunga
Main us Saraswati rupe Laxmi par bharosa rakhunga
Main us din ka intezaar karunga
Jab woh Saraswati rupe Laxmi Maa khud us keechad se nikalkar chalkar mere ghar aayegi.  
***
Main us Deepawali ka intezaar karunga...

- Sun

Keechad : Bhastachar, Lobh, Laalach, Chori, Jhoot-Kapat...

zindagi ko kuch is tarah sajana padata hain

zindagi ko kuch is tarah sajana padata hai
dil mein gum ho, hoonton ko muskurana padata hai...
***
aarzoo to rehti hai hamesha yaar ko dekhane ki
yaar dekh jaye to nazaron ko jhukana padata hai...
***
chahe jitni bhi ho jaye dushman dunia
chirag ko andhiyon mein bhi jalana padata hai...
***
Kyon dil par laite ho logon ki baat
mohabbat mein to khud ko pagal bhi kehlana padata hai...

- Sun

Sunday, 8 November 2015

Fakeer...

Fakeer woh hota hai, jisko sukh-dukh ka ehsaas na ho... Jise na swarg ka lobh na narak ka darr ho... Jo sirf apne pritam-pyare ki naam ki kamai mein laga rehta ho...

Saturday, 7 November 2015

Naam ki Kamai...

Baba Ji ne pucha ki 'Jaap Sahib' mein 'Guru Gobind Singh Ji' ne Maalik ke kitne naam rakhe hai? Sangat ne kahan 'Ji gine to nahi lekin khayal hai, koi barah-chaudah sau honge'... Tab Baba Ji ne bola "agar ek sacche mitra-saathi ne Waheguru Ji ka ek aur naam "NaaZ" rakh diya to kya zulm ho gaya?" "agar ek paagal-premi ne Waheguru Ji ko "GuNn" naam se bola liya to kaun sa gunah ho gaya?"

Mukti naam mein hai... Bina naam ki kamai kiye aantarik gyan nahi ho sakta aur bina aantarik gyan ya anubhav ke mukti nahi... So matlab to yeh hai ki Naam ki Kamai karta ja... Naam ki Kamai vyaratha nahi jaati...

Itna to bata do USKA AAKHIRI PAIGAM KYA THA

duniya se ruksat hone ke baad bhi uski aarzoo hai
dil mein mohabbat ki kaise justajuu hai...
***
Itna to bata do USKA AAKHIRI PAIGAM KYA THA
jubaan ko ab bhi uski baatein karne ki guftaguu hai...
_______________________
NA DO JAWAAB, NA SAHI... 
DEKHATE HAIN INTEZAAR KAB TAK... KAB TAK...
***
NA BATAO SACHCHAI, NA SAHI...
DEKHATE HAIN TUMHARI RUSWAI KAB TAK... KAB TAK...
*** 
PATHAR, RABB NAHI, NA SAHI...
DEKHATE HAIN PHEGALEGA DIL TUMHARA KAB TAK... KAB TAK...
________________________ 
Uske saath ab koiye rishta nahi hai 
Fhir bhi dil ko chain-o-sukoon nahi hai...
*
Meri tanhai ki wajah main khud hu
Uspar koi ilzaam nahi hai...
*
Bas itna mujhe bata do WOH IS DUNIYA SE RUKSAT KAISE HUI
mera koi TUMSE dusara sawaal nahi hai...
*
Itna bhi kya kisi ka intezaar karna
Marne ke baad wapas koi aata nahi hai... 
__________________________ 
Jo khud badal jaye 
unko har shaks badale hue nazar aate hai...
dusaroon ki khata ginane wale
tere pehlu main bhi bahut ilzaam aate hai...
___________________________ 
Unki yeh ada humko aur bhi mitti lagati hai 
Zakhm bhi daite hai 
Aur Rone bhi nahi daite hai...
___________________________ 
Woh chahat bhi kis kaam ki
Chakoor dekhe durr se Chand ko...
___________________________ 
samay kharab karne ka sukriya... 
dil ko dukhane ka sukriya...
hum aaye the is khayal se ki aapse kuch sawaal puch sake...
jawaab na daine ka sukriya...

- Sun

Friday, 6 November 2015

Naam Ki Mahima...

Naam ki mahima aapar hai... Jis tarah aag ki ek chingari crore-man lakdiyon ko jala deti hai, usi tarah naam ki kamai se karmo ka hisab khatam ho jata hai...

Karm...

Hum jo-jo karm karte hai, humein khud hi bhughatane padte hain, inse koi bachao nahi... So karmo ka hisab chukaye bina chhutkara nahi hota...

tamam umar mujhko uska intezaar to raha

tamam umar mujhko uska intezaar to raha
jeene ke liye dil mein hausala to raha...
***
na laut kar aaya woh
is baat ka dil mein koi gum nahi
kam se kam main, waqt ka gulam to raha...
***
yeh alag baat hain
uske tan-mann mein kisi gair ka haq hain
fir bhi uske dil ke kisi kone mein mera naam to raha...
***
bahut haseen baat hain yeh
zinda nahi, marne ke baad hi sahi
uska mera koiye rishta to raha...

- Sun

Thursday, 5 November 2015

Karm...

Karmo ka kanoon atal hai... Koi bhi isse bach nahin sakta, avtar purush bhi nahi... So karmon ka hisab chukaye bina chhutkara nahi hota...

Masjid mein dekh kar tujhe hairat bahut hui

Masjid mein dekh kar tujhe hairat bahut hui romil
kiski khushiyon ke liye tune fir haath fehlaya
~
yeh duaoon ka silsila kyon kar raha hai tu chalu
kaun hain woh anjani jo fir yaad aaya
~
aankhon mein aansoo kiske liye hai
kiski bandagi ka fir khayal aaya
~
shaam hote hi kyon khol deta hain darwaaze
woh kaun hain jiska yeh chand salaam lekar aaya...

- Sun

Wednesday, 4 November 2015

Karm...

Yeh Kutumbh, Parivar, Rishtedaar Karmo ke anusar ekhatte hote hai.... Jyon-Jyon karmo ka hisab khatam hota jata hai, tyon-tyon Sambandh toote jaate hain aur hum sab bichadate jaate hai...

Monday, 2 November 2015

Diwali manate hai...

Chalo kisi garib ka aashiyana sajate hai...
Kisi masoom ke honthon par kamal khilaate hai...
Diwali manate hai...

Nahi shikhayat humein hukumat se "kyon itni mehangi ho gai hai Shakkar"
Chalo kuch Namkeen khate hai...
Diwali manate hai...

Gar kisi ko shikwa hai... shikayat hai Patako ke shauk se...
Chalo milkar deepak jalate hai...
Diwali Manate Hai...

Jo rasta chuna, ta-umar uspar hi chalte rahe...
Mohabbat ki hai, mohabbat nibhate hai...
Diwali Manate Hai... 

- Sun

Sunday, 1 November 2015

Chand...

Ishq-e-raaz ko har ek se chhupaye hue...
Chand...  na jaane kahan dubak gaya hai nazarein churaye hue...
Socha tha... Aaj usko sunayenge tarana-e-mohabbat
Arsa ho gaya hai uski baahon mein samaye hue...

- Sun