Saturday, 24 December 2016

MUJHE MERI MAA YAAD AA JAATI HAI...

kabhi kisi nadi ke kinare 
uge hue ped ke sahare
uski chaav ke neeche
jab bhi baithata hun
MUJHE MERI MAA YAAD AA JAATI HAI...

kabhi kisi ajnabi shehar mein 
kisi akele udas hotel ke kamre mein
uski khidki se jab main jhakta hun
door chehalpehal mein khud ko kitna tanha samajhata hun
MUJHE MERI MAA YAAD AA JAATI HAI...

kabhi ghar-e-khuda,
kabhi ghar-e-dargah,
jab us Rab ko yaad karta hun...
us Rab ki prathana mein baithata hun...
MUJHE MERI MAA YAAD AA JAATI HAI...

- Sun

Jeet

Isse badi kya jeet hoti Meri Maa ke Sangharshon ki...
Ki uske Bete uske jaane ke baad bhi
use Bhagwan ki tarah pujate hai... 

- Sun

maine Maa ki bahut daanth khai hai... ki bhi to Maa se bahut ladai hai...

maine Maa ki bahut daanth khai hai...
ki bhi to Maa se bahut ladai hai...

dair tak subah... charpai pe pade sote rehna...
chappal pehne... dhool-mitti mein khelte rehna...
padai na karna... school mein ladate-jhagarate rehna...
woh kanche... woh patangbazi ka shauk... woh awaragardi karte rehna...
woh ghar ki chabi kahi pe gira dena...
woh baimatlab ki zidd karna...woh baat-baat par tunakte rehna...

aaj rota hoon...
fir ussi daanth ko tarasta hoon...
yeh bhi ek sacchai hai...

maine maa ki bahut daanth khai hai...

- Sun

Success ki koi Endline nahi hoti!

Kyonki Koi Bhi Sankhiya ya Manzil Ek Seema Hai aur
Poornta Ki Seema Nahi Hoti...

Success ki koi Endline nahi hoti!

Yahi Asli Businessman Ki Nishani Hai...

Umar Badne Par Kamjor Hone Ki Bajaye...
Takatwar Hote Jaana Jaana Chahiye...

Yahi Asli Businessman Ki Nishani Hai... 

Swarg Hai Purna Banna.

Swarg Koi Jagah Nahi Hai aur Woh Koi Samay Nahi Hai.

Swarg Hai Purna Banna.

Thursday, 22 December 2016

Maa naam Maa...

Maa naam Pyar...
Maa naam Sansar...
Maa naam Jeevan Aadhar...
Maa naam Guru Dwar...
Maa naam Jyoti Noor...

Maa naam Ishwar Swaroop...
Maa naam Bhakti Roop...

Maa naam Gita, Quran...
Maa naam vedon ka Gyan...
Maa naam Ganga Isnaan...

Maa naam Jeevan ka Prarambha...
Maa naam Subharambha...
Maa naam Sarvottam...

Maa naam Sabse Sundar...
Maa naam se Ghar...
Maa naam Khushiyaan Apaar...
Maa naam Dhero Ashirvid, Pyar...

Maa naam Maa...

- Sun

Nahi zamegi... Nahi zamegi... Thare Laala aur Maari Nahi zamegi...

Nahi zamegi... Nahi zamegi...
Thare Laala aur Maari Nahi zamegi...
O Saasu Maiya... Nahi zamegi... Nahi zamegi...

Ghar pe baithe-baithe khaye...
Ik dhela bhi na kamaye...
Nahi zamegi... Nahi zamegi...
Thare Laala aur Maari Nahi zamegi...

Pakwano ka bada chatoro...
Baithe-Baithe Hukum chalaye...
Nahi zamegi... Nahi zamegi...
Thare Laala aur Maari Nahi zamegi...

Isse Saaj-Dhaaj khoob karwalo...
Naye-Naye Vastra pehna lo...
Mare liye yeh kuch na kharid ke laaye...
Nahi zamegi... Nahi zamegi...
Thare Laala aur Maari Nahi zamegi...

Idhar ghume...
Udhar ghume...
Saara-din yeh Chakkar lagaye...
Raat ko dair se ghar aaye...
Chhoriyon sang Nain ladaye...
Maiya tu to hai re bhori...
Apne Laala ki hoshiyari samajh na paye...
Nahi zamegi... Nahi zamegi...
Thare Laala aur Maari Nahi zamegi...

Main yeh deti hu Maiya...
Nahi zamegi... Nahi zamegi...
Thare Laala aur Maari Nahi zamegi...

- Sun

Wednesday, 21 December 2016

Maa Shabd

Maa shabd yeh sandar...
Maa shabd jeevan ka aadhar...
Maa shabd Gita va Quran...
Maa shabd sanson ki dhaar...

Maa shabd parmatma ka prakash...
Maa shabd yeh dharti yeh aakash... 
 
- Sun

2016

2016

Information

My all posts dedicated to Maa, NaaZ, GuNn and also Namakwale Bau Ji.

- Sun

Tuesday, 20 December 2016

Uske Dushman Hain Bahut Aadmi Acha Hoga...


Khichadi lekar aai hu...

Meri Bitiya shayad yeh kehti...
 
Main hu abhi bahut Chhoti...
Bana na pau Sabji-Roti...
Khichadi lekar aai hu...
Dadi Amma tum kha lo saath mein Dahi, Aachar aur Chatni bhi peesh kar lai hu...

Bapu (Sunny) to gaya hai re shehar...
Do-Teen din na aayega re ghar...
Mujhe bolkar gaya hai Dadi Maa ka khayal rakhna... Samay se khana khila dena Subah, Raat aur Dopahar...
Khichadi lekar aai hu...
Dadi Amma tum kha lo saath mein Dahi, Aachar aur Chatni bhi peesh kar lai hu...

Kaam abhi mujhe hai bahut karne,
Ghar saaf karna... Chauka (Rasoi) saaf karna...
Pani bhi jana hai bharne,
Nakhare na dikhao Amma, 
Jaldi khao...
Khichadi lekar aai hu...
Dadi Amma tum kha lo saath mein Dahi, Aachar aur Chatni bhi peesh kar lai hu...

Dadi Amma tum khao to fir main khau...
Saheliyon sang jhula jhulane jau...


Bapu mera shehar se Gudiya lekar aayega...
Khichadi lekar aai hu...Dadi Amma tum kha lo saath mein Dahi, Aachar aur Chatni bhi peesh kar lai hu...

- Sun

Monday, 19 December 2016

Baat 03 saal purani rahi hogi...

For GuNn
 
Baat 03 saal purani rahi hogi...
Jab tumne Aaina dekha hoga...
Kuch Guftugoo bhi Khud se ki hogi...
Khud par bada Naaz Bhi Tumko aaya hoga...
Thoda itrake tumne apni Julfo ko bhi lehraya hoga...
Apni aadaoo pe Guroor bhi chhaya hoga...
Thoda husn pe Magroor bhi kiya hoga...

Ek kisi Masoom... Bacche jaise ka Dil jo tumne toda hoga...

- Sun

Baat 10 Saal purani hai... 10 Years...

Yeh jo Maa naam ke heere-moti hai...

Yeh jo Maa naam ke heere-moti hai...
Rat-Rat ke ankhiyaan roti hai...

Yeh jo Maa naam ke heere-moti hai...

Ghar bhi suna,
Mera Jeevan bhi suna,
Suna ambar-jahan yeh lagta hai...
Honton se nikalta shabd bhi toota-toota sa lagta hai...
Hirday bhi karta karuna pukar...
Mil jao Maa aake ik baar..
Mere jeevan ki kam hoti jyoti hai...

Yeh jo Maa naam ke heere-moti hai...



- Sun

Sunday, 18 December 2016

Maa prem ka sagar hai

Maa prem ka sagar hai,
Kacchi mitti se bana ik gagar hai...
Nadi ke upper udati hui halki-halki dhund hai...
Phoolon se tapakti hui oos ki boond hai...
Kisi parvat pe uga phoolon ka pauda hai...
Badalon ke peeche se jhakta chand hai...
Sar pe khushiyon bhara ashirwar hai...
Rooti hui aankhon ki ik aas hai...
Rab ka roop hai... Ishwar ka swaroop hai...

- Sun

My Christmas Tree - 2016

My New BABA Looks = SANYASHI...

Friday, 16 December 2016

Kitna jalaya hai tune mujhe...

Kitna jalaya hai tune mujhe...
Jee chahta hai tujhe jalti hui Chita mein fhek doon.

- Sun

Zindagi ke bhagam daud mein bahut se pal haaton se chhut gaye...

Zindagi ke bhagam daud mein bahut se pal haaton se chhut gaye...
Hum zindagi ke bhavar mein aise fhase ki zindagi jeena hi bhool gaye...
 
"Kabhi Maa ko Shopping nahi karwai...
Maa ke saath kabhi Multiflex mein movie nahi dekhi...
Khana kabhi Maa ke liye nahi banaya...
Kabhi fursat se Maa ki tasveerein nahi utari...
Kabhi Maa ko Thank You nahi bol saka...
Kisi Panj Tara Hotel mein Maa ko kabhi Dinner pe nahi le ja saka...
Maa ke saath kisi Vadiyon mein ghumane nahi ja sake..."

Kai khawab adhrure reh gaye...
Waqt ne Waqt se pehle hi cheen liye!

- Sun

Pani ke jahaaj ka wajood...

Pani ke jahaaj ka wajood
kinare pe khade rehne mein nahi hai
balki
samundar ke beech lehron se ladne mein hai!

Band Ghadi bhi Din mein Do Baar Sahi Waqt batati hai!

Band Ghadi bhi Din mein
Do Baar Sahi Waqt batati hai!

Monday, 12 December 2016

kuch samaj nahi aata kya karu...


Topi odha re le lala... na fir banke matwala...

Maa kehti thi...

Topi odha re le lala...
na fir banke matwala...
Pair mein pehan le re Mauja...
na ghum banke raja...

Padh rahi hai bahut re thand...
Sweater pehanle nahi to lag jayegi thand...
Garma-Garm dudh banake laati hu...
Saath mein usme Makhane hi daal laati hu...

Gaal...Naak... Ungaliya sab Lal padh gai hai re lala...
Anghiti jala deti hu thoda sek ke hi bahar jaana...
Khel mein na kho jana...
Andhera padate hi ghar wapas aa jaana...

- Sun

Gum-e-Maah hai, Matam manayenge...

Gum-e-Maah hai, Matam manayenge...
Maa ko yaad karenge, aansoo bahayenge...

Dilo mein jalayenge sholey, chatti ko peeth-peeth kar Maa-Maa bulayenge...
Karenge fariyad Khuda se Maa ke liye... roshani jalayenge...

Chalenge Maa ke bataye hui raah par...
Unki hi di hui shiksha ko amal mein layenge...

- Sun

Saturday, 10 December 2016

MAA - Maa aai... Maa aai... Dekho kitne khilaune lai...

Maa aai... Maa aai...
Dekho kitne khilaune lai...
Maa aai... Maa aai...

Gudda bhia lai... Gudiya bhi lai...
Tik-Tik wala Ghoda bhi lai...
Maa aai... Maa aai...
Dekho kitne khilaune lai...
Maa aai... Maa aai...

Sher bhi lai... Bhalu bhi lai...
Chi-Chi karti Chidiya bhi lai...
Maa aai... Maa aai...
Dekho kitne khilaune lai...
Maa aai... Maa aai...

Jhula bhi lai...
Genda-Balla bhi lai...
Cham-Cham nachata Bandar bhi lai...
Dekho kitne khilaune lai...
Maa aai... Maa aai...

Bike bhi lai...
Car bhi lai...
Chuk-Chuk karti Train bhi lai...
Dekho kitne khilaune lai...
Maa aai... Maa aai...

Kitchen Set bhi lai...
Doctor Set bhi lai...
Tik-Tik, Chi-Chi karta Alarm wala House Set bhi lai...
Dekho kitne khilaune lai...
Maa aai... Maa aai...

- Sun

Thursday, 8 December 2016

Radha-Radha naam siva mohe kya jag mein kaam...

Dono haath jodhkar karu tohe pranaam...  
Radha-Radha (NaaZ) naam siva mohe kya jag mein kaam...

Dono haath jodhkar karu tohe pranaam...  
Radha-Radha naam siva mohe kya jag mein kaam...



Jeevan ke din bache hai chaar...
Radha-Radha ka ab tak karu intezaar...

Ab to aankhen band hone wali hai...
saansein bhi tootane wali hai...
chhut raha jag-dhaam...
Radha-Radha naam siva mohe kya jag mein kaam...

- Sun


Tuesday, 6 December 2016

Radha, prem bina na mile re, Chahe karlo lakh upaye...

Radha (NaaZ), prem bina na mile re,
Chahe karlo lakh upaye... 

Radha, prem bina na mile re,
Chahe karlo lakh upaye... 
Mile na tirath-purna.. Mile na Ganga nahaye...
Radha, prem bina na mile re,
Chahe karlo lakh upaye... 

Pothi padh-padh bane re pandit, liye dher gyan kamaye...
Par pade jo Dhaai Akshar Prem Ke to jeevan safal ho jaye...
Radha, prem bina na mile re,
Chahe karlo lakh upaye... 

Prem sagar mein jo dube re Radha jyot lagan lagaye...
Mile Radha use... Bhav-Sagar paar ho jaye...
Radha, prem bina na mile re,
Chahe karlo lakh upaye... 

- Sun

Sunle yeh baat Yasoda ke Chorey... Bansi todh dungi par tohe na dungi..

Sunle yeh baat Yasoda ke Chorey...
Bansi (GuNn) todh dungi par tohe na dungi..

Sunle yeh baat Yasoda ke Chorey...
Bansi todh dungi par tohe na dungi..

Madhur-ras-bhari iski tair
brij-nariyo ki lok-laaj, kaam-kaaj sab chudwaya re,
Sunle Yasoda ke Kanha...
Bansi todh dungi par tohe na dungi..

Brij-Nariyo ne puja chhodi, dhyan tune unka sab chudwaya re,
Sunle Nandbabd ke Kanhaiya...
Bansi todh dungi par tohe na dungi..

Yamuna Ji ka neer ruka hai,
Pavan na brij-raz udaye re,
Dhenu sab bhakti-prem ras mein maun hai...
Panchi na chechahaye re...
Sunle Gokul ke Gwala...
Bansi todh dungi par tohe na dungi..

Toh na jano Gavaro!
Bansi meri pran-priye hai.. teen-lok se nyari hai...
Bansi bin chain na pau re...
Dede Radha (NaaZ) mohe Bansi... kahe sataye re... kahe rulaye re...

Sunle yeh baat Yasoda ke Chorey...
Bansi todh dungi par tohe na dungi..

- Sun

Saturday, 3 December 2016

Radha ko jo dekha, dekhata ja raha hu...

Radha (NaaZ) ko jo dekha, dekhata ja raha hu...
 
Radha ko jo dekha, dekhata ja raha hu...
Uski manmohak chhavi mein sudh-budh bhulaye ja raha hu... 
Sudh-budh bhulaye ja raha hu...
Radha ko jo dekha, dekhata ja raha hu...

Unki Mohani muskaan hai jaise ras ho amrit ka...
Main us oor khicha ja raha hu...
Amrit-Ras mein beegana chah raha hu... 
Beegana chah raha hu...
Radha ko jo dekha, dekhata ja raha hu... 

Uske naino mein jaise bhara ho mohabbat ka sagar...
Main us sagar mein tairana chah raha hu... dubna chah raha hu...
Radha ko jo dekha, dekhata ja raha hu... 

Charan-Kamal hai uske jaise mukti ka hai dwar yahi...
In Charan-Kamalo pe balihari ja raha hu... mita ja raha hu...
Radha ko jo dekha, dekhata ja raha hu...
Uski manmohak chhavi mein sudh-budh bhulaye ja raha hu... 
Sudh-budh bhulaye ja raha hu...
Radha ko jo dekha, dekhata ja raha hu...

- Sun

Sakha ki Sajni Ji to...

Sakha (RaJ) ki Sajni (GuNn) Ji to...

Sakha ki Sajni Ji to...
Sakha ki Sajni Ji to...
Sakha ki Sajni Ji to pardesh mein rehti,
E-mail, Mobile se baat ho paati...
Meri Radha (NaaZ) to mere mann mein base din-raat baat ho jaati...
din-raat baat ho jaati...

Teri Sajni Ji to...
Teri Sajni Ji to...
Teri Sajni Ji to naye-naye fashion karti, roop-rang pe itrati...
Meri Radha to mere naino mein base, manmohani chhavi jiski na kabhi bhulai jaati...

Teri Sajni Ji to...
Teri Sajni Ji to... 
Teri Sajni Ji to kabhi Mayke rehti, kabhi rehti Sasural mein...
dair raat tak doston sang chakkar lagati...
Meri Radha to Shyam - Shyam (Sultan) kehti... Peekar prem ka pyala, Sadgi mein hi jeevan bitati...

- Sun

7th December... Dekhate-Dekhate Saal beet gaya...

Dekhate-Dekhate Saal beet gaya...
Woh gaya, Woh kabhi laut na saka...

Na jaane kitne gile-shikve,
Na maine kahe, Na woh keh saka...

Channd Kadmo ka fasla, magar sadiya lagi taye karne mein...
Na kabhi main chala, Na kabhi woh do qadam chal saka...

Maut aai aur apne saath udda ke le gai usko...
Umar bhar apno se ladta raha, magar maut se na lad saka... 

- Sun

Thursday, 1 December 2016

Chori kare... Chori kare... Radha, Shyam ki Bansi chori kare...

Chori kare... Chori kare...
Radha (NaaZ), Shyam (Sultan) ki Bansi (GuNn) chori kare...

Chori kare... Chori kare...
Radha, Shyam ki Bansi chori kare...

Kaisi chatur brijnari, sab milkar mohe sang khele...
Zara si bhi na laaj kare...
Chori kare... Chori kare...
Radha, Shyam ki Bansi chori kare...

Thode dahi-makkhan ki khatir yeh bholi-bhali brijnari
Nandbaba ke Chhore ko tang kare...
Are Tang kare...
Chori kare... Chori kare...
Radha, Shyam ki Bansi chori kare...

Bansi bina na chain aaye mujhe,
Bansi mohe teen lok se pyari...
Sri Vrishbhaan ki Chhori Radha yeh sab rachana rachi tumhari...
Tuhi Sautan hai Bansi ki hamari...
Natak kare.. Nautanki kare..
Chori kare... Chori kare...
Radha, Shyam ki Bansi chori kare...

- Sun

Acche din aa gaye?

Sarhad pe marta jawan... 
Bank-ATM ki line mein laga aam insaan...
Acche din aa gaye?

Sune pade Khet, 
Kaarkhano mein laga hua Break...
Mehnat ki kamai bhi lag rahi unko Fake...
Acche din aa gaye?

Dukaano se dur hota ja raha Customer...
Bina rupiya ke insaan hospital mein raha marr...
Acche din aa gaye?

Sansad mein ho raha hai Shor...
Paksha-Vipaksha laga raha hai apna-apna Zor...
Kataron mein marr raha hai insaan majboor...
Acche din aa gaye?

Rab Hai Khamosh!
Acche din aa gaye?

- Sun

Radha, Radha pukara karenge... Naam ke sahare jeevan guzara karenge...

Radha (NaaZ), Radha (NaaZ) pukara karenge...
Naam ke sahare jeevan guzara karenge...

Radha, Radha pukara karenge...
Naam ke sahare jeevan guzara karenge...

Mann ke Ban mein basaya karenge...
Unko re jhula, jhulaya karenge...
Radha, Radha pukara karenge...
Naam ke sahare jeevan guzara karenge...

Prem ki ri dori mein baandhe rakhenge...
Naino mein unko basaya karenge...
Radha, Radha pukara karenge...
Naam ke sahare jeevan guzara karenge...

Jo roothi to unko manaya karenge...
Naach karke re unko rijhaya karenge...
Radha, Radha pukara karenge...
Naam ke sahare jeevan guzara karenge...

Kanhaiya ki Chhavi ko dikhaya karenge...
Bansi ki madhur dhun sunaya karenge...
Radha, Radha pukara karenge...
Naam ke sahare jeevan guzara karenge...

- Sun

Wednesday, 30 November 2016

Aam Aadmi Thaka-Thaka Sa hai... Ab lagta hai Thaga-Thaga Sa Hai...

Aam Aadmi Thaka-Thaka Sa hai... Ab lagta hai Thaga-Thaga Sa Hai...
Roz Ek Hi Kaam Karta Hai... 
Bank-ATM ki Lambi-Lambi Kataron mein Lagta Hai...
Fir Ghar ke Bistar par Khali Pani Peekar Aaram Karta hai...

Aam Aadmi Thaka-Thaka Sa hai... Ab lagta hai Thaga-Thaga Sa Hai...
Gulabi Note lekar idhar-udhar bhatak raha hai... Chhutte ke liye taras raha sa hai...
Maayush Chehara sab bayaan kar raha hai...
Aam Aadmi Thaka-Thaka Sa hai... Ab lagta hai Thaga-Thaga Sa Hai...

Aaloo ki boriyan ab gharon mein padi hai... koi kharidata nahi...
Khet udaas pade hai... Gehuu bone ke liye beejh nahi...
Udhar par ghar ka raashan le raha hai... Ghar ke jewar-gehne girve rakh raha hai...
Aam Aadmi Thaka-Thaka Sa hai... Ab lagta hai Thaga-Thaga Sa Hai...

- Sun

Monday, 28 November 2016

Dena hai to dijiye Prem Samachar... Nahi chahiye mujhko yeh Gyan Bhandar...

Dena hai to dijiye Prem Samachar...
Nahi chahiye mujhko yeh Gyan Bhandar...
Dena hai to dijiye Prem Samachar...
Udhav, Dena hai to dijiye Prem Samachar...

Kya Radha (NaaZ) aaj bhi karti hai Saaj-Singhar... 
Kya gopiyon ko aaj bhi bhaati hai Murli ki madhur pukaar...
Kya aaj bhi Yamuna Ji ke tath pe khilti hai gopiyon ki kilkaar...
Dena hai to dijiye Prem Samachar...
Nahi chahiye mujhko yeh Gyan Bhandar...
Udhav, Dena hai to dijiye Prem Samachar...

Gita mein jo diya hai mein gyan...
use gyaniyo ko hi samajhane do...
Tum to keval mujhe Prem Samachar hi kaho...
yeh raj-path sab tum dhar lo...
main to chahu ban jau wahi Gwala.. Brij ki galiyon mein mujhe fhirne do...
Dena hai to dijiye Prem Samachar...
Nahi chahiye mujhko yeh Gyan Bhandar...
Udhav, Dena hai to dijiye Prem Samachar...

Kya gopiyan aaj bhi karti hai mere liye makhan taiyaar...
Kya holi mein aaj  bhi hoti hai gulal ki bahaar...
Kya gwalo-mitron, brijwasiyon, pedh-paudhon, panchi-janwaron ko hai aaj bhi mera intezaar...
Dena hai to dijiye Prem Samachar...
Nahi chahiye mujhko yeh Gyan Bhandar...
Udhav, Dena hai to dijiye Prem Samachar...

Dena hai to dijiye Maiya ka Samachar...
Dena hai to dijiye Baba ka Samachar...
Dena hai to dijiye Prem Samachar...
Nahi chahiye mujhko yeh Gyan Bhandar...
Udhav, Dena hai to dijiye Prem Samachar...

- Sun

Meri aankhon ke hai Do Taare...

Meri aankhon ke hai Do Taare...
Ek NaaZ hai... Ek GuNn hai...
Ek Suraj hai... Ek Chand hai...
Ek Kamal hai... Ek Gulab hai...

Meri aankhon ke hai Do Taare...
Mere hai Do Anmol Ratan...
Ek NaaZ hai... Ek GuNn hai...
Ek Khilkhilati hui Subah... Ek Sukoonbhari Shaam hai...
Ek Mishri si Madhur... Ek Ghaat ka Meetha Pani...
Ek Radha si Diwani... Ek Sita si Pavitra Nari...
Meri aankhon ke hai Do Taare...
Ek NaaZ hai... Ek GuNn hai...

Ek mein Nadi si Chanchalta hai... Ek Thandi Hawan si hai...
Ek Thand mein Khidki se aati hui Dhoop... Ek Thand mein Badan ko Sekti hui Aag hai...
Ek Apni hai... Ek Apni Si hai...
Meri aankhon ke hai Do Taare...
Ek NaaZ hai... Ek GuNn hai...

- Sun

Saturday, 26 November 2016

Maiya mohe to bhave Radha naam malai!

Maiya mohe to bhave Radha (NaaZ) naam malai!

Maiya mohe to bhave Radha naam malai!
Makhan na bhave,
Dudh na bhave...
Na hi acchi lage ab Mithai...
Maiya mohe to bhave Radha naam malai!

Kheer na bhave,
Chhach na bhave,
Na hi ab bhave re Thandai...
Maiya mohe to bhave Radha naam malai!

Gaiya chharane na jau...
Mitron ke sang na koi khel khilau...
Na hi mujhse jaye yeh Bansi ab sunai...
Maiya mohe to bhave Radha naam malai!

Maiya mohe to bhave Radha naam malai!

- Sun

Friday, 25 November 2016

Main to Radha ka hun... Radha meri hai... Iske bina jeevan mein mere kuch bhi nahi hai...

Radha Krishna!

Main to Radha (NaaZ) ka hun...
Radha meri hai...
Iske bina jeevan mein mere kuch bhi nahi hai...

Main to Radha ka hun...

Radha meri hai...
Iske bina jeevan mein mere kuch bhi nahi hai...

Chahe khushiyon ka gharsansar mile...
Chahe daulat bhandar mile...
Chahe nautoo ka haar mile...
Chahe heera-jeevarat mile... 
Mere liye sab hai beekar...
Main to Radha ka hun...
Radha meri hai...
Iske bina jeevan mein mere kuch bhi nahi hai...

Kya gum hai, Kya dukh hai jaanu na...
Kya sansar mein ho raha mein kuch jaanu na...
Jis isthiti mein rakhe Radha usmein rahu...
Tere bina main kisi ko pehchanu na.. 
Mere liye sab rishte-naate hai beekar...
Main to Radha ka hun...
Radha meri hai...
Iske bina jeevan mein mere kuch bhi nahi hai...

- Sun

Dena hai to dijiye Janam-Janam ka saath...

Dena hai to dijiye Janam-Janam ka saath...
Mere sir pe rakh do Radhe, ho apne dono haath...
Dena hai to dijiye Janam-Janam ka saath...


Aisa hunme kya manga hai jo dene mein sankuchate ho...

Tum bin mera koi nahi hai, aisa gyan hamara ho...
In charano se dhyan haate na, aisa dhyan hamara ho...
HO JEEVAT RAHU MAIN JABTAK HOTI RAHI MULAQAT... 
Dena hai to dijiye Janam-Janam ka saath...


(Inspired...Famous bhajan...)


Wednesday, 23 November 2016

O maiya mori, Radha mohe chhal gayo re!

O maiya mori, Radha (NaaZ) mohe chhal gayo re!

O maiya mori, Radha mohe chhal gayo re!
Chhal gayo re... 
Maiya mori Radha mohe chhal gaye re!

Radha ke kaale-kaale nain matwale
Dekh-Dekh mohe pe dori daale...
Madhur muskaan mein, main fhas gayo re!
Muskaan mein, main ghas gayo re!
Chhal gayo re... 
Maiya mori Radha mohe chhal gaye re!

Payal re uski meri neend udhaye,
Kaanch ki Chooriyan mera dhyan bhatkaye..
Mathe ki Bindi mein yeh dil atak gayo re!
Uski Maathe ki Bindi mein yeh dil atak gayo re!
Chhal gayo re... 
Maiya mori Radha mohe chhal gaye re!

Kaan ka jhumka uska mujhe nachaye...
Naak ki nathani uski mere mann main timtimaye...
Uske chehare ki lalima mein Shyam loot gaye re!
Chehare ki lalima mein Shyam loot gaye re!
Chhal gayo re... 
Maiya mori Radha mohe chhal gaye re!

O maiya mori, Radha mohe chhal gayo re!
Chhal gayo re... 
Maiya mori Radha mohe chhal gaye re!

- Sun

fursat agar ho Radha to aakar ek baar milo...

fursat agar ho Radha (NaaZ) to aakar ek baar milo...

fursat agar ho Radha to aakar ek baar milo...
fursat agar ho Radha to aakar ek baar milo...
kis haal mein hai tere pyare ik nazar pyar ki idhar bhi karo...

fursat agar ho Radha to aakar ek baar milo...

mana ki main Rama jaisa pavitra pavan nahi..
mana ki mujhmein Krishna jaisa prem nahi..
mana ki main Kanhaiya jaisi bansi baja sakta nahi..
mana ki main Leeladhar jaisi leela racha sakta nahi..
mana ki Shyam jaisi meri baaton mein ras nahi..
par yeh dhyan rahe Radha, tere bina mera koi nahi..

fursat agar ho Radha to aakar ek baar milo...

mana ki main dhanvaan nahi..
mana ki mere pass car-bangalow nahi...
mana ki hira-jevarat tujhe arpan kar sakta nahi..
mana ki tujhe mehange vastra pehna sakta nahi..
mana ki tujhe tarah-tarah ke pakwan khila sakta nahi..
par yeh dhyan rahe Radha, jeevan mein pyar se jyada kuch anmol nahi...

fursat agar ho Radha to aakar ek baar milo...
fursat agar ho Radha to aakar ek baar milo...
kis haal mein hai tere pyare ik nazar pyar ki idhar bhi karo...

- Sun

Monday, 21 November 2016

Padharo-Padharo ghar hamare... Aise dhan bhagya hue hai hamare...

Padharo-Padharo ghar hamare...
Aise dhan bhagya hue hai hamare...
hue hai hamare...
Padharo-Padharo ghar hamare...

Radha (NaaZ) tum khao aur hum khilaye...
Itne qismatwale hue hai hum re...
Padharo-Padharo ghar hamare...

In palon pe mein bal-bal jau
In palon pe mein bal-bal jau
Khul gaye hai bhagya hamare 
Radha tum khao aur hum khilaye...
Itne qismatwale hue hai hum re...

Pori banau, Halwa banau,
Choley sang Radha inko khilau...
Bhar-Bhar Lassi sang piyo hamare...
Aise dhan bhagya hue hai hamare...
Padharo-Padharo ghar hamare...
Radha tum khao aur hum khilaye...
Itne qismatwale hue hai hum re...

Kheer banau, Ladoo banau... 
56 tarah ke bhog tujhko lagau...
Fhod-Fhod matki khao sang Makhan hamare...
Aise dhan bhagya hue hai hamare...
Padharo-Padharo ghar hamare...
Radha tum khao aur hum khilaye...
Itne qismatwale hue hai hum re...

Tere chehare ki chandani ko niharu,
Panke se halke-halke hawaa chalau...
Bhar-Bhar lauta piyo Chaach sang hamare...
Aise dhan bhagya hue hai hamare...
Padharo-Padharo ghar hamare...
Radha tum khao aur hum khilaye...
Itne qismatwale hue hai hum re...

- Sun

Aan milo... Aan milo... Aan milo... RadhaRani

Aan milo... Aan milo... Aan milo...
RadhaRani (NaaZ)
Ban mein akela Shyam (Sultan) Radha-Radha pukare...

Aan milo... Aan milo... Aan milo...

RadhaRani
Ban mein akela Shyam Radha-Radha pukare...
Radha-Radha pukare...

Itna intezaar theek nahi...
theek nahi RadhaRani...
Raah mein bicche hai phool tumhare...
Ban mein akela Shyam Radha-Radha pukare...
Radha-Radha pukare...

Suraj laga dubane... Aasma se Chand nihare...
ab aao jaldi Radha Ban mein
akela Shyam, Radha-Radha pukare...

Aan milo... Aan milo... Aan milo...
RadhaRani
Ban mein akela Shyam Radha-Radha pukare...
Radha-Radha pukare...

(Title Inspired...)

- Sun

Friday, 18 November 2016

bada mann karta hai maa ko maa kehne ka

bada mann karta hai maa ko maa kehne ka...
kisi galat baat par usse lad-jhagad lene ka...
bada mann karta hai maa ko maa kehne ka...

bematlab, befaltu use baatein sunane ka...
chhoti-chhoti baaton pe use gussa dikhane ka...
bada mann karta hai maa ko maa kehne ka...

aankhon mein aansoo bhar kar usse rooth jaane ka...
khane ki saaji thali chhodkar sone ka...
bada mann karta hai maa ko maa kehne ka...

kisi ull-julul cheez ki maang ki zid karne ka...
dair raat ko fhir ghar aane ka... 
bada mann karta hai maa ko maa kehne ka...

maa ke chehare pe muskaan dekhane ka...
bete ke liye woh baada-baada wala dil dekhane ka...
sab galtiyon, gunaho, bhoolon, khatao ko bhool jaane wala dil dekhane ka...
maa ka dulaar dekhane ka...
bada mann karta hai maa ko maa kehne ka...

- Sun

आम आदमी पहले राशन की कतारों में रहता था, आज कल बैंक की कतारों में हैं...

आम आदमी पहले राशन की कतारों में रहता था,
आज कल बैंक की कतारों में हैं...

- सन

Thursday, 17 November 2016

नोटिफिकेशन

नोटिफिकेशन 

मेरे नाम से सिमिलर (मिलते-जुलते या हूबहू) फेसबुक, लिंकेडलन, गूगल+ और बहुत सारी सोशल साइट्स, इंटरनेट पर एकाउंट्स, प्रोफाइल बने हुए है.  

मेरा इन किसी से कोई लेना-देना नहीं है.  मेरी  इंटरनेट पर सिर्फ यही गूगल+ प्रोफाइल और ब्लॉग है. 

न मेरा कोई व्हाट्सएप्प अकाउंट है. 

धन्यवाद। 

रोमिल अरोरा

Jeevan ki yahi tamanna hai Main Radha banu, Tum Shyam Bano!

Jeevan ki yahi tamanna hai
Main Radha (NaaZ) banu, Tum Shyam (Sultan) Bano!

"Peeli Pagdi, Rang Kala...
Bada Manmohak hai mera Murliwala"

Jeevan ki yahi tamanna hai
Main Radha banu, Tum Shyam Bano!
Main Radha banu, Tum Shyam Bano!

Bansi sunao tum madhur,
main shudh-budh khoi gopika banu...
Main Radha banu, Tum Shyam Bano!

Yamuna Ji mein gopiynon sang karu mein atkeliyan
tum mitron sang kapde chori karo...
Main Radha banu, Tum Shyam Bano!
Main Radha banu, Tum Shyam Bano!

Yamuna Ji mein bhar-bhar lau gagariya,
Tum matkifhod Ghanshyam bano!
Main Radha banu, Tum Shyam Bano!

Prem-Viyog mein main tadpu,
nit-nit tera dhyan dharu...
Tum Murlidhar bankar muskaan dharo!
Main Radha banu, Tum Shyam Bano!

Jeevan ki yahi tamanna hai
Main Radha banu, Tum Shyam Bano!
Main Radha banu, Tum Shyam Bano!

- Sun

Wednesday, 16 November 2016

Mera koi nahi hai tum bin Radha Tere! Koi nahi hai tum bin Radha Tere!

Mera koi nahi hai tum bin
Radha (NaaZ) Tere!
Mera koi nahi hai tum bin
Radha Tere!
Koi nahi hai tum bin
Radha Tere!

Sunta tha badi deen dayalu ho,
fir mujhe yeh kathoratha dikhlai kyon?
Sunta tha gairon ko bhi apnati ho,
fir apno ko kiya baigana kyon?
Sunta tha ki prem ka sagar ho
fir mere liye yeh sagar khali hai kyon?
Sunta tha prem lutati ho
fir mere liye bani harjai ho kyon?

Mera koi nahi hai tum bin
Radha Tere!
Koi nahi hai tum bin
Radha Tere!

"Teri namaze ada karna mera kaam hai,
Meri namaze qubool karna ya na karna tera kaam hai"

Tum namaze thukrati jaogi 
Main namaze padta jayunga!

Mera koi nahi hai tum bin
Radha Tere!
Koi nahi hai tum bin
Radha Tere!

Sunta tha tum badi bholi ho,
fir mere liye yeh chaturai kyon?
Sunta tha Shyam (Sultan) ke sab nakhare uthati ho
fir meri binati thukrai kyon?
Sunta tha wafa nibhati ho,
fir mujhse yeh bewafai kyon?

Mera koi nahi hai tum bin
Radha Tere!
Koi nahi hai tum bin
Radha Tere!

- Sun

Monday, 14 November 2016

श्री गुरु नानक देव जी के प्रकाश गुरपुरब (नवम्बर १४) दी लख-लख बधाई होवे

श्री गुरु नानक देव जी के प्रकाश गुरपुरब (नवम्बर १४)
दी लख-लख बधाई होवे
माँ, पिता, नाज़ और गुन नु...

Kab aaogi... Kab aaogi... Kab hirday se lagaogi... Hum tumhare hai... Tumhare hone ke liye baithe hai...

Armaan sajaye baitha hu...
Milan ki aas lagaye baitha hu...
Premi na sahi to Das bana lo apna Radha (NaaZ)
Main to tere charno ka ban pujari baitha hu...

Kab aaogi...
Kab aaogi...
Kab hirday se apne lagaogi...
Hum tumhare hai... Tumhare hone ke liye baithe hai...
Kab aaogi...
Kab aaogi...
Kab hirday se apne lagaogi...

Yeh Pal bhi tumhara... Intezaar bhi tumhara...  
Yeh honthon se jhalakti muskaan bhi tumhari... Yeh aankhon se behta sehlab bhi tumhara...
Yeh tan bhi tumhara, Yeh mann bhi tumhara...
Yeh Pran bhi tumhare... Yeh Jeevan bhi diya tumhara...

Kab aaogi...
Kab aaogi...
Kab hirday se apne lagaogi...
Hum tumhare hai... Tumhare hone ke liye baithe hai...

- Sun

kya pata ki kab...

kya pata ki kab marr jau,
sach tere honthon mein dabe pade hai, dabe hi reh jayenge...
yeh khamoshi tab bhi thi jab hum zinda the...
yeh khamoshi tab bhi rahegi jab hum rukshat ho jayenge!

- Sun

Koi aisi kitab...

Tere jaane ke baad bhi dunia tujhko pehchanni chahiye...
Likho koi aisi kitab jo tere baare mein honi chahiye... 

Saturday, 12 November 2016

Kahin aur main na jau... Kisi aur ko na main chau... Main to Shyam banke Radha tera hi ho jau...

Kahin aur main na jau...
Kisi aur ko na main chau...
Main to Shyam banke Radha (NaaZ) tera hi ho jau...

Kahin aur main na jau...
Kisi aur ko na main chau...
Main to Shyam banke Radha tera hi ho jau...

Subah-Shaam ghumu tere peeche 
tujhe bansuri ki madhur dhun sunau...
Main to Shyam banke... Shyam banke... Radha tera hi ho jau...

Yeh bhola sa mukhada...
Yeh chandi jaisa tann...
Yeh manmohani muskaan...
Yeh sone jaisa tera mann...
Inko apna na pau to Radha main to marr jau...
Main to Shyam banke Radha tera hi ho jau...

(Socha thoda Radha ke Shyam (Sultan) ki burai kar lete hai...)
Jis Chaliye se dil lagaya tune
Jis Makhanchor ko apna banaya tune
Jis Rasrachiya se preet lagai tune
Woh to aware fhire gaiya charaye...
Apne mitron ki toli sang makhan churaye...
Gopiyon ke kapde churaye...
Gopiyon ke sang rasleela rachaye...
Tere qabil nahi hai woh tera saathi jo woh ban paye...
Itni si baat Radha bol tujhe kaise samjau... 
Main to Shyam banke Radha tera hi ho jau...

Mann mein mere base tu...
Rom-Rom mein mere samaye...
Itna karu pyar tohe saath janam bhi kam padh jaye...
Bol kya karu aur jatan jo tera Shyam kehlau...
Main to Shyam banke Radha tera hi ho jau...

Kahin aur main na jau...
Kisi aur ko na main chau...
Main to Shyam banke Radha tera hi ho jau...

- Sun

Thursday, 10 November 2016

Tera ho raha hu, Tujhmein kho raha hu... Ab apnao ya thukrao Radhamey ho raha hu...

Tera ho raha hu
Tujhmein kho raha hu...
Ab apnao ya thukrao Radhamey (NaaZmey) ho raha hu...

Tera ho raha hu
Tujhmein kho raha hu...
Ab apnao ya thukrao Radhamey ho raha hu...

Tera ho raha hu
Tujhmein kho raha hu...

Ab palkon pe baithao ya fir charno se lagao...
Ab apna banao ya fir dar se bhagao...
Ab hirday se lagao ya fir suli pe chadao...
Jeevan yeh apna tere naam kar raha hu...
Tera ho raha hu
Tujhmein kho raha hu...
Ab apnao ya thukrao Radhamey ho raha hu...

Bin tere kaise jeevan mera paar ho paye...
Majhdhaar mein, main atka kaise kinara mil paye...
Tham lo haath mera tum saathi mera ban ke...
Tera ho raha hu
Tujhmein kho raha hu...
Ab apnao ya thukrao Radhamey ho raha hu...

Mar kar gar mile tu, sanson ka safar tham hi jaye...
Bin naino ke gar mile tu, naina cheen hi jaye... (jis tarah surdas ko shyam mile the...)
Us raah ka ban jau main pathar jis raah pe chale tu...
Tera ho raha hu
Tujhmein kho raha hu...
Ab apnao ya thukrao Radhamey ho raha hu...

- Sun

Tuesday, 8 November 2016

Mehak...

Logon ko pholon ka bagicha kam padh jata hai
Khushboo ke liye...
aur
Ek Hum hai Ik Mare hue Gulab se
apni zindagi Mehkaye hue hai...

- Sun

Missing in My Life: Papad...

Missing in My Life: Papad...

Really... Missing hai... Papad... bahut saari variety aati hai Papad mein... koi fry karta hai koi usko bhunata hai... bahut time ho gaya Papad nahi khaya... Missing hai life mein woh swad... woh taste... woh khushbooo aur woh hunger...

tujhe apna banana chaha tera re Radha hoke... tera re Radha hoke, tujhmein re Radha khoke...

Shyampyari ki Jai!
Mohandulari ki Jai!
RadhaRani ki Jai!

tujhe apna banana chaha tera re Radha (NaaZ) hoke...
tujhe apna banana chaha tera re Radha hoke...
tera re Radha hoke, tujhmein re Radha khoke...
tujhe apna banana chaha tera re Radha hoke...

sudh-budh gavai maine
yeh dunia bhulai maine
pagal bhi bana main to
kai baar thokar bhi khai maine...
khokar is jahan ko tera naam hai maine paka...
tujhe apna banana chaha tera re Radha hoke...
tera re Radha hoke, tujhmein re Radha khoke...

ek baar mujhe keh do apna
tera Radha isme kya jayega...
yeh garib bechara itne mein hi ameer ho jayega...
mil jayegi usko jannat, tera saath Radha jo bhi paye...
tujhe apna banana chaha tera re Radha hoke...
tera re Radha hoke, tujhmein re Radha khoke...

- Sun

Sunday, 6 November 2016

Tujhe paya maine Radha tera intezaar karke... Tera intezaar karke, tujhe pyar maine karke...

Bolo Radha Rani ki Jai!
Shyam Pyari ki Jai!
Mohan Dulari ki Jai!
RadhaKrishna ki Jai!

Tujhe paya maine Radha (NaaZ) tera intezaar karke...
Tujhe paya maine Radha tera intezaar karke...
Tera intezaar karke, tujhe pyar maine karke...
Tujhe pyar karke, tera intezaar karke...
Tujhe paya maine Radha tera intezaar karke...

Kaisi di hai tune yeh saza tera didar ho na paye,
Didar ho na paye Radhe tujhe pyar ho na paye,
Sansein bhi lagi hai rone tera khayal karke...
Tujhe paya maine Radha tera intezaar karke...
Tera intezaar karke, tujhe pyar maine karke...

Ankhiyon ki hai ab aarzoo tera deedar ho hi jaye
Tann bhi yahi kahe tere charano se lipat hum jaye
Mil jaye jo tu kahi pe, tera mandir wahi banaye...
Tujhe paya maine Radha tera intezaar karke...
Tera intezaar karke, tujhe pyar maine karke...

Tujhe paya maine Radha tera intezaar karke...
Tera intezaar karke, tujhe pyar maine karke...

- Sun

Friday, 4 November 2016

Teri payal hai mere pass, Radha aa jao mere pass...

Teri payal hai mere pass

Radha (NaaZ) aa jao mere pass...

Teri payal hai mere pass
Radha aa jao mere pass...

Meri karuna binati pukar
Radha aa jao mere pass...

Naino se behati ashko ki dhaar
Radha aa jao mere pass...

Aa jao... 
Aa jao...
Aa jao... 
Aa jao... mere pass...

Sanson ki toot na jaye taar... 
Radha aa jao mere pass...

Chamcham karti payal teri mera dil behlaye,
Tere dukh mein yeh hi Radha mera saath nibhaye...
Yeh hi meri kahi Jeevan Sangni na ban jaye...
Mere jeevan ki Sarkar... 
Meri Sarkaar...
Radha aa jao mere pass...


Teri payal hai mere pass
Radha aa jao mere pass...

- Sun

Thursday, 3 November 2016

Kab aaogi Radha Rani, Shyam galiyon mein...

Kab aaogi Radha Rani (NaaZ) Shyam (Sultan) galiyon mein...
Kab aaogi Radha Rani, Shyam galiyon mein...
Kab aaogi Radha Rani, Shyam galiyon mein...

Kab aaogi Shyampyari, Shyam galiyon mein...

Shyam galiyon mein...
Shyam galiyon mein...

Saari raat nihari, 
Maine saari raat nihari Shyam galiyon mein...
Shyam galiyon mein...
Shyam galiyon mein...

Aankhon se behati viyog ki dhaar
Bebas hokar main karuna karu pukaar
Shyam galiyon mein...
Shyam galiyon mein...

Yeh maana tera pujari nahi main
Yeh maana tera aashiq nahi main
fir bhi har pal saansein le tera naam
Shyam galiyon mein...
Shyam galiyon mein...

- Sun

Friday, 28 October 2016

दीपावली की शुभकामनाएँ !

दीपावली की शुभकामनाएँ !

माँ, पिता 
और 
नाज़ व गुन को !

Sunday, 23 October 2016

Bas aise hi...

waqt bas beeta aur beetata hi chala gaya...
hum khade palon ka hisaab hi karte reh gaye...

- sun

Friday, 21 October 2016

Jis tasveer ko main pehchanta nahi... Uske baare mein baat kya karna...

Jis tasveer ko main pehchanta nahi...
Uske baare mein baat kya karna...

Saree aachi hai... Surat bhi aachi hai...
Par jo Rooh mein na bhaaye uske baare mein baat kya karna...

Uski khudki tasveer ka intezaar rahega...
Fir baat karenge...
Fir shararat karenge...
Fir uski tarif karenge...
Fir usko satayenge...
Abhi baat kya karna... 

- Sun