Tuesday, 19 January 2016

Hum Seedhe-Saadhe Bhole-Bhaale Log Hai...

kapdon ke katrano se Gudda-Gudiya bana lete hai...
Hum Seedhe-Saadhe Bhole-Bhaale Log Hai...
Pani Ke Batason mein hi khushiyaan dhund lete hai...

kabhi Pita Ji ki Nai Shirt
to kabhi Bade Bhai ka Naya Joota pehan kar itrate hai...
Hum Seedhe-Saadhe Bhole-Bhaale Log Hai...
Chidiyaghar ki picnic mein hi khushiyaan dhund lete hai...

chhote se mandir mein hi Bhagwano ka mela basa lete hai
Hum Seedhe-Saadhe Bhole-Bhaale Log Hai...
33% marks mein hi khushiyaan dhund lete hai...

babu ji ka chhata
amma ji ki pooja ki kitab
bhabhi ke haaton ki chai
bade bhai ki maar
bhateje-bhanjho ka laad-pyaar
Hum Seedhe-Saadhe Bhole-Bhaale Log Hai...
rishton mein hi khushiyaan dhund lete hai...
rishton mein hi zindagi dhund lete hai...

- Sun

No comments:

Post a Comment