Friday, 6 May 2016

Maa kehti thi... Memories...

Maa kehti thi... Memories...

Bhalu... Chai banana to thodi si adrak aur ilachi bhi pees kar daal daina...

Dudh ubal kar thanda ho jaane par pateela yaad se freeze mein rakh daina...

Biscuit khana ko theek se dibba band kar daina... warna saare biscuit naami pakad jayenge...

Cooker ki teen siti aate hi band kar daina... warna chawal sab ghuppa ho jayenge...

Kitne baar bola hai... ice cream brick bowl mein nikal kar freeze mein rakha karo Shona...

Bina mujhse puche Kitchen towel kyon utha le jaate ho Betu...

Plate aur bowl mein paani dal kar Wash Basin main rakha karo Beta... Subah bartan dhone wali ko saaf karne mein problem hoti hai...

Tuffy ka non-veg isi kitchen mein banega... Main tuffy ke liye dusara kitchen nahi banane wali... Uska cooker aur bartan sab alag hai... Woh chhota bacche ki tarah hai...

Bhalu... Kitne baar samjhana hai... Aachar ki bottle se spoon nikal diya karo...

Kam se kam tum Salad to kaat hi sakte ho... Tum nahi onion khate ho magar Main aur Bhai ko khate hai... itna bhi kaam nahi karte ho tum...

Chahe Maggi banao, Pasta banao ya soup... jo mann kare woh banao... bas Kitchen yaad se clean kar dena...

Bhalu... Tumhari pasandeeda kheer freeze mein rakhi hai... Yaad se kha lena... Jitna mann kare kha lena... magar khane ke baad bowl yaad se dhak daina...

- Sun

No comments:

Post a Comment