Saturday, 30 July 2016

Yug Badal Jata Hai... Vichar Bhi Badal Jaate Hai...

Yug Badal Jata Hai... Vichar Bhi Badal Jaate Hai... 

Happy Anniversary...

Jab insaan ke pass daulat ho...
ucchi taleem ho...
aasmani udane ho...
pairon tale sitarein ho...

Guroor to aa hi jaata hai...

Magar yeh bhi sach hai ant samay uske haath kuch nahi aata... sirf Guroor ke...

Birthday Special!

Do Strong South Indian Coffee aur Ek Table...
Jis pe laga ho HumTum ka Lable...
Saath mein bahut saari Butter Kaju Cookies...

Light music,
Aankhon ki dancing...
Kabhi table ke neeche se pairon ki baatein ho jaye...
Kuch aur aisi chhoti-chhoti shararatein ho jaye...

Party hojaye!  

Tum to prem ka sagar ho...

Hey Meri GuNn!

Tum to prem ka sagar ho... Yeh to tumhare hi prem ka fhal hai, jo mein yeh rachnaye likh paya, anyatha mujhmein itni yogita, samartha kahan, jo mein prem ki ek boond ke baare mein bhi kuch likh saku!

Tu pyar ka sagar hai... Teri ek boond ke pyase hum...

Happy Anniversary...

kuch majbooriyon ne dooriyan bada di,
kuch halaton ne dooriyan bada di,
kuch galatehmiyon ne dooriyan bada di,
kuch apno ne dooriyan bada di...
aur
kuch hamari-tumhari khamosiyon ne dooriyan bada di...

- Sun

Wednesday, 27 July 2016

Anniversary Special!

Mere pass kisiko dene ko kuch nahi...

Baddua bhi nahi!

Maaye Ni Title Song

Maaye ni title song lyrics
...........................

Akhiyan dy wich wassan
Waily loki lakh hazar
Main ty labna phirna waan
bas maaye tera piyar
Bujhny lagi hain aankhain
Tujh juri hain saansein ho
Dil mera tora kaahy
Hai ye wichora kaahy
Daikhon main teri raahein
Ho...
Ho mera dard na jany koi hor
Maaye ni..Maaye ni
Maaye ni..Maaye ni


Kaisy ratiyan bitaoun maaye ni
Maaye ni.. Maaye ni
Kahein chain na paoun
Maaye ni.. Maaye ni


Sadiyon ki toti bailain
Dil ki dareechy mein
Lamho sy rothy lamhy
Mujh sy akely mein
Beety zamany kitny
Kitny samy hain baaqi
Saansein ukhadny mein
Ho...
Kahli haath na awein maino tor
Maaye ni..Maaye ni
Maaye ni..Maaye ni
Maaye ni..Maaye ni...!!!

Anniversary Special...

Janti ho is sacche ishq ki sabse badi uljhan kya hai?

Bhool jana ya intezaar karna...

Jab insaan ko yeh hi na pata ho ki use karna kya hai to Khuda se Dua ke siwa aur koi chhara bhi to nahi hai uske pass!

Tuesday, 26 July 2016

Karmo Ka Fhal...

Karmo Ka Fhal

Yeh to sach hai ki karmo ka fhal milna nischit hai... Parantu kab, kitne varsho, janmo ke baad milega yeh nischit nahi hai...

Timepass: Bhavishvani...

Bhavishvani...

Birthday Special

Aloo de parauthe...
Khatta-meetha nimboo da aachar...
Thermos bharkar chaah (chai)...
Mewa wali kheer...
Chandani Raat... Khuli Chhat...
Tere sang manjhi (Charpai) pe baithkar khaye...
Radio pe bhule-bisare geet sunate jaye...

Chal Na... Party-Sharty Manaye... 

- Sun

GuNn naam aisa hai sab avgunn mit jaye...

Likhe, Padhe, Sune... mann sheetal ho jaye...
GuNn naam aisa hai sab avgunn mit jaye...

- Sun

Anniversary Special !

Anniversary Special !

Kabhi- Kabhi Intezaar aur Intezaar Karne Wale Dono Khatam Ho Jaate Hai...

True...

Baap kehta hai Bete se namak haram aulad...

Baap kehta hai Bete se namak haram aulad...
mere ehsaan maan...
maine tujhe khila-pilakar, padha-likhakar, qabil insan bana diya...

Miya... Hum kham-kha sochate the ki Khuda bhi kuch karta hai! hehehe

jiski tasveer nahi bardasht hoti...

jiski tasveer nahi bardasht hoti...
Woh agar meri zindagi mein aati to kaise bardasht kar pata...

Saturday, 23 July 2016

मन...

मन... क्यों लज्जतों में पड़ा है? कैसे मैं तुझको समझाऊँ? 
यह तन जो तेरे साथ उपजाया है यह भी तेरा नहीं है. इसे भी यही संसार में छूट जाना है.  हर रिश्ता, हर सुख, धन-दौलत, अपना-पराया, मान-अपमान, यश-कीर्ति सब इसी संसार में छूट जाएगी. 

Timepass: kuch bhi nahi hai mera...

kuch bhi nahi hai mera...

sach... really... sachii... sachiii...

Birthday Special...

Chalo Chhoti Si Party Ho Jaye...
Tum, Main aur Tumhare Haaton Ki Bani Chai Ho Jaye...

hehehe

- Sun

Kehte hai Bete, Baap ki Aan-Baan-Shaan hote hai...

Kehte hai Bete, Baap ki Aan-Baan-Shaan hote hai...

Waise to umar bhar rishton mein karwahat rahi...
Par Fakr se Sar Uccha bhi raha..
 Zindagi roj leti rahi Aah par pukarata hua ek shabd na raha...

Waise to mulaqat ke liye Palon ki koi Kami na thi...
Par apni mulaqat ka waqt to uska janaza raha...

Kai baar maine yeh sawaal pucha hai khud se
Suraj ke rehte apni zindagi mein kyon itna andhiyara raha...

- Sun

Do aksar ka naam GuNn ka amar prem se bhara...

Do aksar ka naam GuNn ka amar prem se bhara...
Ek boondh jo mile darshan ki jeevan ho jaye prem se bhara...

- Sun

Bas itti si Life hai...

Bas itti si Life hai...

Baap apna tasveer bana deewar par latka hai...
Maa har jagah hote hue bhi kahi nahi hai...
Bhai, Hai par apne parivar-jimmedari mein busy hai... Uski dono betiyan mere udas chehare par khushiyaan bhikherati hai...
GuNn kahi kho chuki hai...
Rishteedar.. Dost-Yaar koi nahi hai...
Din awaragardi mein beet jata hai..
Raat ko Khuda sa maut mangata hun...

Bas itti si Life hai...

- Sun
 

Tuesday, 19 July 2016

Sunday, 17 July 2016

Woh GuNn Hi To Hai...

Woh Ek Hi Hai...
Ussa Dusara Koi Ho Hi Nahi Sakta...
Us Jaisi Muskurahat Dusari Ho Hi Nahi Sakti...

Yeh Chand Uski Hi To Chamak Fehla Raha Hai...
Yeh Taare Uske Liye Hi To Roshani Chamkate Hai...
Yeh Subah-Subah Panchi Uska Hi To Gun-Gaan Karte Hai...
Yeh Phool Uske Liye Hi To Khilte Hai...

Dekho Suraj Uski Lalima Chaaron Taraf Bikhara Raha Hai...
Dekho Hawan Uska Hi To Naam Pukaar Rahi Hai...
Yeh Pahad, Yeh Nadiya, Yeh Jharne... Sab Uski Hi To Baat Kar Rahe Hai...

Woh GuNn Hi To Hai...
Woh GuNn Hi To Hai...
Khuda Hi To Hai...

- Sun

No Food Waste: When leftovers reach the hungry through a mobile app

“Charity cannot be a solution to fighting hunger. Besides, there is the issue of dignity associated with the donation of leftover food. The real solution lies in creating skills and livelihood opportunities,”

Itni na karo Banawat ki Insaan nazar aao Tum...

Itni na karo Banawat ki Insaan nazar aao Tum...
Sadgi mein to Khuda nazar aati ho Tum...

Lagta hai aaj raat bhi neend nahi lene dogi..
Sonu, Pari, Indu... tumhein chahe jo kuch bhi log pukare, mujhe to GuNn nazar aati ho Tum...

- Sun

Wednesday, 13 July 2016

"Sirf maire jaisa ho........Jo bilkul taire jaisa ho"

"Na wo khuda ho,
Na wo khuda jaisa ho,
Na wo faristha ho,
Na wo faristhe jaisa ho,
Mujhe talash hai us ki jo maire jaisa ho,
Sirf maire jaisa ho
Sirf maire jaisa ho"

Maire shehar main koi aaisa ho,
Jo bilkul taire jaisa ho,
Jiske ehsaas se maira dil dharake,
Wo shaks taire jaisa ho,
Jo baat-baat par mujhe rulaye,
Jo baat-baat par mujhe hasaiye,
Uske aankon main pyaar ka basera ho,
Jo bilkul taire jaisa ho.
- Sun

Tuesday, 12 July 2016

kaali-kaali ghataon ke beech Chand nikla ho...

kaali-kaali ghataon ke beech Chand Nikla ho...
aisa uska Noor sa Chehara Khila ho...

khuda bhi usko dekhe to saare Suraj ko jala de...
Taj Mahal bhi Kaala Bana ho...

jee chahta hai aaj usko jee bhar ke nihaar lu...
dekh lu...
Chehare pe uske Ek Kaala Teeka aur Baalon mein Kaala Gulab laga ho...

Geshuon ke beech Chand nikla ho... 
kaali-kaali laataon ke beech Kaala Gulab khila ho...

- Sun

Friday, 8 July 2016

Pata Nahi Tab Maa Pehchan Sakegi Ki Nahi...

Pata Nahi Tab Maa Pehchan Sakegi Ki Nahi...
Jab Main Rab Ke Ghar Jayunga!

Sar ke baal bhi kuch kam ho chuke honge,
jo kuch bache-kuche honge woh bhi safed ho chuke honge...

Chehare par jhurriya pad gai hongi
Peeth bhi thodi jhukh gai hogi
Aankhein bhi kamjor ho gai hogi... Chashmaa bhi lag raha hoga...
Kaan bhi thode kam sunte honge...
Kadam bhi zameen par dheere-dheere padte honge...
Juban se aawaz bhi dheere-dheere nikalti hogi...
Ab Yaaddash bhi dhundali-dhundali ho gai hongi...

Pata Nahi Tab Maa Pehchan Sakegi Ki Nahi...
Jab Main Rab Ke Ghar Jayunga...

- Sun 

Monday, 4 July 2016

Neele-Neele Amber Par Chand Nazar Aa Gaya

Neele-Neele Amber Par Chand Nazar Aa Gaya
Mubarak Ho Sabko Eid Ka Din Aa Gaya!
~*~
Milo Gale Sab, Do Sab Badhaiye
Allah Ke Bandoon Ke Liye Khushiyoon Ka Din Aa Gaya!
~*~
Musafiroon Ki Raah Takati Aankhon Main
Manzil Ka Nisha Aa Gaya!
Fhir Phoolon Main Khushboo
Fhir Fizaon Mein Rang Chah Gaya!
Mehandi Lage Haanton Mein
Duaoon Ka Chand Nazar Aa Gaya!
Mubarak Ho Sabko Eid Ka Din Aa Gaya...
~*~
Allah Dua Hain Meri
Sabki Taqdeer Bhi Sitaron Ki Tarah Roshan Ho
Udaasi Ka Chand Is Jahan Se Gayab Ho
Har Taraf Tera Hi Tera Noor Chah Gaya
Neele-Neele Amber Par Chand Nazar Aa Gaya
Mubarak Ho Sabko Eid Ka Din Aa Gaya!


- Sun

Saturday, 2 July 2016

Bas kuch hi din bache hai intezaar ko...

Bas kuch hi din bache hai intezaar ko,
Mere yaar... EID ke chand ke deedar ko...

Hum bhi dekhenge usko karib se,
Rakh kar daav pe apni nazaron ke emaan ko...

Chalo chhat pe chupkar khate hai Sevaiyan,
Kisi masoom ke haath bheja ho aise likhkar paigam ko...

Bas kuch hi din bache hai intezaar ko...

- Sun 

Ram, Laxman, Janki Jai Bolo Hanuman Ki!

Ram, Laxman, Janki
Jai Bolo Hanuman Ki!