Sunday, 24 September 2017

Swarg aur Baikunth

Swarg aur Baikunth mein ek fark hai... Swarg mein Simriddhi hai lekin Sukh nahi hai. Baikunth mein dono hai. Simriddhi bhi hai aur Sukh bhi hai.

Jimmedariyan...

Vedon, Purano mein yeh baar-baar kaha jata hai ki saari jimmedariyan aapki hai-Aap kisi ko jimmedar nahi tehra sakte. Aap is dunia mein akele aaye ho, aap akele jiyoge aur akele hi maroge aur amar bhi akele hi hoge.

Samay ki jo dhara hai...

Samay ki jo dhara hai aap use rok nahi sakte. Kintu agar aap is baat ko maan loge ki jo aata hai, woh jaata hai, to dukh kam hoga, kasth kam hoga aur aap ek bharpoor jeevan jee sakoge.


Saturday, 23 September 2017

Tasveer nahi deedar ke liye...

Tasveer nahi deedar ke liye
Uska Naam hi kafi hai Pyar ke liye...

Woh gair ki baahon mein khush bahut hai
Hum seh rahe har zakhm uske pyar ke liye...

Aajkal to woh gussa bhi nahi karte
Badal gaya hai lagta hai mizaz yaar ke liye...

Pata nahi...
Zindagi rehte uske ho payenge ki nahi...
Khawaish... Khawaish hi bani rahegi ta-umar ke liye...

- Sun

Friday, 22 September 2017

LifeCycle

Email kiya Tannu ko Gunjan nikal aai...
GuNn hai to Tejal aai...
Tejal ke baad Tia aai...
Tia gai to Phalguni aai...
Phalguni ke baad Sandhya, Shivani, Nani aai...
Fir teeno ke baad Praveen, Pari ban kar aai..
Pari gai to Sharan aai...
Sharan rokar gai to Pari, Indu Pravin ban kar aai...
Ab Indu gai hai to pata nahi kaun si nai aafat aayegi...

- Sun

Div n Me

Chottan Video Punjabi Song - Kirdar-e-Sardar movie (2017)


Katre ka Samundar banane mein...

Katre ka Samundar banane mein
Use waqt nahi lagta baat ka batangarh banane mein...
Mujhse ladne mein, Mujhse jhagadne mein...

Meri mohabbat ka najayaz fayda uthati hai
Chhoti si hi baat par rooth jaati hai...
Use waqt nahi lagta mujhe ajnabi banane mein...
Mujhse ladne mein, Mujhse jhagadne mein...

Thodi jyada gusse wali hai
Meethi juban mein bhari uski gaali hai...
Use waqt nahi lagta hai mujhe zalil karne mein...
Mujhse ladne mein, Mujhse jhagadne mein...

- Sun

Wednesday, 20 September 2017

Fasle badhe aur badate chale gaye...

Fasle badhe aur badate chale gaye..
Rishtee bigade aur bigadte chale gaye...

Hum unko qasoorwaar tehrate rahe
Woh humko...
Shabdon ke teer chale aur chalte chale gaye...

Kin nazaron ko lekar woh humse honge mukhatib...
Zalil hue aur hum Zalil hote chale gaye...

Gunah sirf itna tha ki mohabbat thi unse...
Sajaa mili dooriyon ki door hote chale gaye...

- Sun

Monday, 18 September 2017

03rd Aug 17

video

03rd Aug 17

Mujhse puchati hai...

Mujhse puchati hai meri khamoshi,
Koi baat hai dabi-dabi
Sab kuch to hai meri dunia-e-jahan mein
Par kuch to hai kami-kami...

Pairon ke Nissan peeche chutate hue sahil pe
Aankhon mein hai nami-nami,
Usse mile, usse bichade,
Fir mile, fir bichade,
Uski yaadein hai meri rooh mein jami-jami...

- Sun

Saturday, 16 September 2017

Maa ki Jhappi

Bada dum hota hai Maa ki Jhappi mein
Prem hi atoot prem hota hai Maa ki Jhappi mein...

Mann-Masthish mein sukun-shanti si mil jaati hai,
Saari ki saari pareshaniya choo-mantar ho jaati hai,
Bada hi Jadoo hota hai Maa ki Jhappi mein...

- Sun

Woh aur Hum

Use kitabon se nahi mili fursat 
Hum zindagi mein uljhe rahe...

Na usne koi baat kari
Na hum koi baat usse keh sake... 

Mausam ne angadai li
Waqt paidal hi bahut door nikal gaya...
Na woh rok sake, Na hum use tham sake...

- Sun

Tuesday, 12 September 2017

Maa ki tasveer aankhon mein jala karti hai...

Maa ki tasveer aankhon mein jala karti hai...
Bas khud se baatein hua karti hai...

Awaaz har suu kaano mein gunja karti hai...
Bas kamre ki khamoshi bhi mujhse baatein kiya karti hai...

Din hai Shraddha ke to yaadein bhi jyada aati hai...
Aankhein bhi numaish mein behti rehti hai...

Maa...
NaaZ...
Baap...
GuNn...
Ek se Ek badhkar phool hai mere pass...
Bas Shraddha ke Dino mein mere Dil ki Jannat mehka karti hai...

- Sun

Simple Answer...

1. Ek baar Kutte ko bhi dutkaar diya jaye to woh bhi ghar ki chaukhat par nahi baithata... Jab main mobile attend nahi kar raha hun, na hi call kar raha hun to iska seedha ka matlab hai main kisi bhi tarah ka relation nahi chahta...

Mera mobile number kisi ko bhi dene ki jarurat nahi hai... Main kisi BEIMAAN INSAAN ke yahan naukari nahi karna chahta... 02 HARAMIYON ke yahan job kar chuka hun... Ek Harami ke yahan 14 saal aur Dusare Harami ke yahan 01 saal, 01 mahina job kar chuka hun... Ab mujhe maaf karo aur mera peecha chhodo... okkk..

Dena hai to apni Beti ka number baaton duniya bhar ko... Mera mobile number kyon dete ho? Main rishta nahi chahta hun... please doori hi banaye rakho... okk...

2. Mere ghar aane ki kisi ko koi jarurat nahi hai... Na main kisi ki chaukhat pe jaana pasand karta hun aur na hi mujhe pasand hai ki koi meri chaukhat pe aaye.

3. Jiski jo marzi ho karo... Police station hai... Dial 100 hai... Women Powerline hai... District Court, High Court, Supreme Court hai... Mahila Aayogya hai...

4. Seedhi si baat hai Main apne saare rishte khatam karna chahta hun... Chahe woh kisi bhi tarah ka rishta ho... okkay....

5. Khush hun... HaPpy hun... 

Tuesday, 5 September 2017

Simple Answer...

1. Mera Phone-Meri Marzi... Maine kisi ke Baap ka karza to khaya nahi hai... Na hi kisi ka ehsaan ke tale jee raha hun... Meri Marzi hogi to main Mobile attend karunga, warna nahi karunga. Okkk...

Mujhe call karne ki jarurat hi kya hai... Kyon khamkha Call karte ho... Main to kisi ko Call nahi karta...

Thursday, 31 August 2017

Simple Answer...

1. Mere ko sirf 2 hi buri aadat hai... NaaZ aur GuNn... aur usmein koi rupiya nahi kharcha hota... 

Thursday, 24 August 2017

Simple Answer...

1. Kuch nahi kar raha hun... Koi Job nahi kar raha hun... Na koi Business kar raha hun...

Sansaar ke logon se asha na kiya karna, Jab koi na ho apna Hare Krishna kahan karna..

Sansaar ke logon se asha na kiya karna
Jab koi na ho apna Hare Krishna kahan karna..
Sansaar ke logon se asha na kiya karna...

Jeevan ke sagar me toofan bhi aate hai - 2
Jo Hari ko bhajte hai Hari unko aap bachate hai
Prabhu ko aaata hai bhakton par kripa karna
Sansaar ke logon se asha na kiya karna... 

Tu jaanle aye bande prabhu tujhse door nahi
Bhakton ko kasth mile Hari ko manjoor nahi
Prabhu khud hi aayenge tu unko yaad kiya karna
Sansaar ke logon se asha na kiya karna...

Yeh do din ka mela yeh desh begana hai - 2
Is sansar se aye prani tujhe laut ke jaana hai
Ye maya ka bandhan hai yahan mann na laga lena
Sansaar ke logon se asha na kiya karna... 

Sansaar ke logon se asha na kiya karna
Jab koi na ho apna Hare Krishna kahan karna..
Sansaar ke logon se asha na kiya karna...

Sunday, 30 July 2017

Chitthi... Bas

Bete ne upper chhat pe mere liye Room banwa diya hai...
Bas...ghutano mein dard rehta hai... sedhi chadne-utarne mein dikkat hoti hai...

Bahu khana bahut lajawab banati hai...
Bas... naukar ke haaton bhijwa deti hai...

Beta... har Itvaar mera haalchal yaad se puchhata hai...
Bas... Room mein mere Intercom laga hai...

Paute-Pautiya... sab padai mein bahut aache hai...
Bas... Dadi ki kahaniyon-baaton se door bhagate hai...

Beta... Bahu, Bacchon ke saath movie dekhane gaya hai...
Bas... Ghar ka Gate bahar se Lock kar gaya hai...
Room mein TV hai, AC hai, Music System hai, Fridge hai... 
Par jab akelapan hota hai to RaJ se mann baatein karta hai...

Yahi Life hai Meri
Bas Chitthi Likha karti hun...
Dairy Likha karti hun...

- Sun

Friday, 21 July 2017

Aye NaaZ mujhe batao

Aye NaaZ mujhe batao kaise main tujhko chahu...
Tujhe apna banau...
Kaise tujhe dil mein basau...

- Sun

Mitr bankar aate hai baad mein JIJA JI ban jaate hai...

Mitr bankar aate hai baad mein JIJA JI ban jaate hai...

hehehe

Aaj khud se puchati Mera Khud ka Aastitva Kya Hai?

45 saal ki umar mein ghar ki balkani par khade aaj khud se ek sawal pucha maine...
Is bade se ghar ki Maalkin hun ya fir Naukrani?

Saas-Sasur ke liye Dawai, Sewa karne wali Nurse bani kabhi...
To kabhi Bete ke Palan-Poshan karne wali uski Aaya... kabhi uski Teacher bani...

Kabhi RaJ ki Rooh-e-Premika...
To kabhi bistar par Pati ke Kaam-Bhog ka Samaan bani...

Kabhi Ghar ki Aarthik Tangi mein 9 se 6 Naukari kari...
To kabhi Pati ke Kande se Kandhe milakar chalne wali Saathi bani...

Bete ki Shaadi mein khub Bhaag-Daudane wali machine bani...
To kabhi Uske Bacchon... Pauton ke liye Jokar... Kahani Sunane wali Dadi bani...

Kabhi Naukari pesha Bahu ke liye Chai Banane wali Naukarani...
To kabhi Ghar ki Nameplate par Bade Aksharon mein likhe Apne Naam se Maalkin bani...

Aaj khud se puchati Mera Khud ka Aastitva Kya Hai?

- Sun   

Tuesday, 11 July 2017

MASUMIYAT...

Rab Ne Sabko Ek Cheez Jaroor Di Hai...

MASUMIYAT...

Har Baccha Jab Paida Hota Hai To Uske Chehare Par Masumiyat Jaroor Hoti Hai...
Bas Us Masumiyat Ko Ta-Umar Barkarar Rakhana Padta Hai...

Jaise Maine Apne Chehare Aur Juban Pe Rakhe Hai Barkarar 
"MASUMIYAT"

hahaha 

Mohabbat umar bhar mohabbat rahe...

Bada mushkil hai safar mein saath rahe...
mohabbat umar bhar mohabbat rahe...

Gum humko naseeb ho ta-zamane ke,
woh khush rahe...
woh aabad rahe...

Mera kasoor sirf itna raha...
husn dekhe hai tamam...
fir bhi paak rahe...

Na mile usse...
na honton ko chumma...
hum uske khawabon mein hi giraftar rahe...

Dabe hue labon se usne puch liya "aakhir haasil kya karna chahte ho?"
Kaise kahe usse tujhpe nahi par tere janaze pe to mera haq rahe...
Mohabbat umar bhar mohabbat rahe...

- Sun

Friday, 7 July 2017

NO = Next Opportunity

NO = Next Opportunity

A good professional does not have different moral standards for different situations.

A good professional does not have different moral standards for different situations. In other words, his morality doesn't change from person to person and situation to situation.

Golden Rule for the professionals - Treat others the way you want to be treated.

Between Will and Skill, will is more important than skill.

Between Will and Skill, will is more important than skill. Skill can be matched, but when you are down and hurt, that's the time when your sheer will is going to pull you up one more time, to get up and make one more call and that is the winning edge.

Mere baare mein jab bhi sochana to fursat mein sochana...

Mere baare mein jab bhi sochana to fursat mein sochana...
Takiye ko apni baahon mein bharna aur raat ki tanhai mein sochana...

Mere baare mein jab bhi sochana to fursat mein sochana...

Sard mausam mein jab chhat pe tehalna
to haatheliyon se baahon ko ragardte hue sochana...
Mere baare mein jab bhi sochana to fursat mein sochana...

Sawan ke mausam mein jab jhule pe baithana
to Chunai ko hawan mein udate hue sochana...
Mere baare mein jab bhi sochana to fursat mein sochana...

Angaron se bhari Angheti pe jab narm pairon ko saikana
tab mere baare mein sochana...
Jab Mehandi sajana tab mere baare mein sochana...
Fursat mein sochana...

Mere baare mein jab bhi sochana to fursat mein sochana...

- Sun

Sunday, 2 July 2017

koi kehta hai Sanskriti badi hai...

koi kehta hai Sanskriti badi hai...
koi Sanskar to koi Parampara...

koi sau galiyan kha kar haaton mein Sudarshan Chakra utha leta hai...
to koi sau galiyan sunkar bhi muskurata rehta hai Buddha ban jata hai...

koi Angulimala apradh ke baad bhi Sadhu-Sant ban jaata hai...
koi Sadhu bankar Daku kehlate hai...

koi mara-mara kehte-kehte rama ko paa leta hai
koi mooh mein rama ko bagal mein churi rakhata hai... 

Rab hi jaane...

- Sun

'Shut Up and Get Out'

The Manager asked, 'Did you get any orders today?
The Salesperson said 'Yes! I got two.'
The Manager asked, 'Which ones?'
The Salesperson replied, 'Shut Up and Get Out!' 

Good Coach

The role of a good coach is to turn a group of people into a committed team where each person is a star performer.

Anyone who sells a product, service or an idea is a Salesperson.

Anyone who sells a product, service or an idea is a Salesperson.

- Robert Stevenson.

Meri Jubaan Itni Meethi Jo Hai...

Do chaar pal kisi se guftagu kya kar lu...
Log pehchan jaate hai ki main Lakhnav se hu...
Meri Jubaan Itni Meethi Jo Hai...

Kisi anjaan se kabhi na bhulane wala Alfazon ka jo Rishta bun lu....
Log pehchan jaate hai ki main Lakhnav se hu...
Meri Jubaan Itni Meethi Jo Hai...

Yeh adab, yeh karina,
Sawalon ke jawab jo gulkand bhari muskaan se du...
Log pehchan jaate hai ki main Lakhnav se hu...
Meri Jubaan Itni Meethi Jo Hai...

- Sun

Wednesday, 28 June 2017

kahe dair lagai...

Ab aao re harjai
kahe dair lagai...
Sawan beeta jaye sun re O Kanhayi...
kahe dair lagai...

-Sun

Log Shanti Dhoondhate Hai...

Behte hue Ganga ke Pani mein...
Jalti hui Chittaon mein...
Mandiron ki Chaukhaton pe...
Udate hue Dhoop-Agarbatti-Lobaan ke Dhuan mein...
Om Namah Shivaya ke Udaghosh mein...
Japti hui Naam Mala mein...

Log Shanti Dhoondhate Hai...

Yeh Banaras Hai...
Yahan Log Shanti Dhoondhate Hai...

- Sun

Monday, 26 June 2017

Manush hokar Devta banna aasan hai...

Manush hokar Devta banna aasan hai...
Jabki Devta hokar Manush jivan prapt karna mushkil hai.

Friday, 23 June 2017

Manush Icchadhari hai...

Manush Icchadhari hai... 
Agar woh iccha praghat karega to har cheezh praghat ho jaati hai. 

Tuesday, 20 June 2017

'Main Sochata Hoon, Isliye Mera "Asthitva" Hai'.

Mahan Vicharak "Rene Descartes" ne ek baar kahan tha... 

'Main Sochata Hoon, Isliye Mera "Asthitva" Hai'.

1st July....

1st July...

"Main Kaun Hoon"

"Main Kaun Hoon" 

Bas yahi puchiye khud se. Lagatar puchate rahiye. Yeh ek gehra shabd hai. Iska koi Baudhik Uttar nahi hai. Har baar naya uttar milega aapko. Bas aap apne liye sahi uttar banaiye aur apni zindagi badal lijiye.

Saturday, 17 June 2017

Mujhe Abhi ya Baad mein Kisi Tarah to Marna Hi Hai...

Mujhe Abhi ya Baad mein Kisi Tarah to Marna Hi Hai... 

Labmi, Akeli aur is Dardnaak Zindagi ko Kyon na
Khushi-Shanti ke Saath Jiya Jaaye...

Timepass...

Beta Vakeel Ho Jaane Se... Baap Judge Nahi Ho Jata...
Usi Tarah...
Beta Doctor Ho Jaane Se... Maa bhi Khuda Nahi Ho Jati...

Ek aur Baat...
Apne na Aage-Peeche, Na Koi Upper Neeche Rone Wala Na Rone Wali...
Samjhe Nanab-e-Ali...

"Mera Waqt Chala Gaya, Par Tumhara Nahi"

Guru, Shishya Se Kehta Hai...

"Mera Waqt Chala Gaya, Par Tumhara Nahi"

Yadi Main Haqdaar Nahi Hun...

Yadi Main Haqdaar Nahi Hun... 
To Dus Lakh Pathar Bhi Mujhe Pavitra Nahi Kar Sakte!

Mujhe iski parvah nahi hai ki log mere baare mein kya sochate hai... kya charcha karte hai...

Logi puchade hai haal ki banaya...

Logi puchade hai haal ki banaya...
Kamliwale na Kamla Banaya...
Main ta Dil wich NaaZ nu basaya....
Kamliwale na Kamla Banaya...

Main ta Naina wich NaaZ nu basaya...
Kamliwale na Kamla Banaya...

Logi puchade hai haal ki banaya...
Kamliwale na Kamla Banaya...

Wednesday, 14 June 2017

Mrityun Ek Mahaan Guru Hai !

Mrityun Ek Mahaan Guru Hai !

Jeevan Ko Mrityun Ke Pass Hi Jana Hai !

Mahan Kala Vyakti ke Andar se hi fhutati hai.

Sansar ka kuch behtareen Kavya aur Sangeet un logon ne taiyaar kiya jo Kashtya mein the.

Mahan Kala Vyakti ke Andar se hi fhutati hai.

Mere baare mein charcha khoob karte hai...

Mere baare mein charcha khoob karte hai...
Mujhe badnaam khoob karte hai...

Himmat nahi jo mujhse hokar Rubaru
do-chaar baatein karle...
Sachai ki himmat nahi jo mujhse hokar Rubaru
do-chaar baatein karle...

Yeh Shaatir Log hai... 
Shadyantra khoob rachate hai...

- Sun



Thursday, 8 June 2017

Rupiye pe na chappe hote to Gandhi bhi na logon ko yaad rehte...

Rupiye pe na chappe hote to Gandhi bhi na logon ko yaad rehte...

unki tasveer ke neeche baithkar ghush bhi khai hai...
vidhan sabha mein baithkar whatsapp par movie bhi chalai hai...
jhoot bola hai...
maanviye mulyon ki dhajjiya bhi khoob udai hai...

par Gandhi ki tasveer pe phoolon ki mala bhi chaadai hai...

Rupiye pe na chappe hote to Gandhi bhi na logon ko yaad rehte...

- Sun

Unko is andaz se dekha hai jaise...

Unko is andaz se dekha hai jaise...
Meethe Pan ko mooh mein jama liya ho,
dheere-dheere ras ka mazaa liya ho,
jeebh ko honton pe ghuma kar mauj ki ho...

Unko is andaz se dekha hai jaise...

- Sun

Tuesday, 30 May 2017

Pinjara hone ke liye Pinjara jaisa dikhana jaruri nahi hai...

Pinjara hone ke liye Pinjara jaisa dikhana jaruri nahi hai...
Mujhe to uski nazarein bhi Pinjare jaisi dekhati hai, jiski qaid mein main hamesha rehti hun...
Main bhi khule aakash mein udana chahiti hun... 
Chechana chahati hun....
Mast Mayur bankar nachana chahti hun...
Magar hamesha main uski nazaron mein qaid rehti hun...

Kya karti ho...
Kahan jati ho...
Itni dair se kahan tak thi...
Yeh kaise kapde pehan rakhe hai...
Itni zor se kyon hasati ho...
Na jaane... In jaise kitne sawalon ki giraft mein rehti hun...

Pinjara hone ke liye Pinjara jaisa dikhana jaruri nahi hai...

- Sun

Jab tak Tragedy na hoye tab tak Story nahi banti!

Jab tak Tragedy na hoye tab tak Story nahi banti!

Kabhi Bacchon ke liye Sampatti nahi banani chahiye... Balki unko Desh ki Sampatti banana chahiye...

Kabhi Bacchon ke liye Sampatti nahi banani chahiye...
Balki unko Desh ki Sampatti banana chahiye...

hmmm...

Monday, 22 May 2017

Imandari...

Imandari... 
Ration ki dukaan se Ration nahi la pati...
Na hi Bijli-Pani ka Bill jama kar pati hai...
Na hi bacchon ke school ki fees... Na hi kitab-copy dila pati hai...
Hospital ka bill bhi nahi bhar paati... Na hi davai ka kharcha uttha pati hai...

Sirf ek purani pant-kameez... Ek fhata hua juta bankar reh jaati hai...

- Sun

3 Truth... 3 Sach...

Jeevan ke Din ab beet chale....
Par haye mili re NaaZ nahi....
Tan unpe nishavar kar dalu ab aur kisi se kaam nahi...
***
Lagan tumse laga baithe,
jo hoga dekha jayega...
jo hoga dekha jayega...
Tumhe apna bana baithe...
jo hoga dekha jayega...
jo hoga dekha jayega...
***
Tum hamare thi NaaZ Ji
Tum hamari ho...
Tum hamari hi rahogi O Meri Pritam...
Hum tumhare the NaaZ Ji
Hum tumhare hai
Hum tumhare hi rahenge O Meri Pritam...

Thursday, 18 May 2017

Har khudkhushi karne wale ka koi na koi Qatil jarur hota hai...

Har khudkhushi karne wale ka koi na koi Qatil jarur hota hai...
Aise hi nahi koi khushi se marta hai...

Kabhi Sookha Khet khudkhushi ki wajah ban jaata hai...
Kabhi Mehandi lagi Betiyon ka Dahej khudkhushi ki wajah ban kar aata hai...
Kabhi Lalaoo ki Dendariyan... Suutkhori... khudhkhushi ki wajah banti hai...
To kabhi ghar mein kisi ki Bimari sooli par chhada deti hai...
Kabhi Zameen ka Batwara maut ka paigam sunata hai...
To kabhi bhookh-pyaas se tadapta majboor Baap maut ko gale laga leta hai....

Har khudkhushi karne wale ka koi na koi Qatil jarur hota hai...
Aise hi nahi koi khushi se marta hai...

- Sun

tumhari yeh Adarshvadi Zindagi...

Bas kitab ke kuch panno mein simat ke reh jayegi
tumhari yeh Adarshvadi Zindagi...
Saal ke kisi ek din logon ko yaad aayegi...
tumhari yeh Adarshvadi Zindagi...

Dekhana... na rishte... na ghar... na daulat ka dher...
kuch bhi nahi zama kar payegi...
tumhari yeh Adarshvadi Zindagi...

Bas ek yaad... Ek deewar par tangi tasveer ban jayegi...
tumhari yeh Adarshvadi Zindagi...

- Sun